SiTV七彩戏剧频道

七彩戏剧频道，是上海东方传媒集团有限公司旗下上海文广互动电视有限公司个一只已经停播个付费电视频道，内容主要是江浙沪一带个戏曲、曲艺节目，比方讲沪剧、苏州评弹咾啥个，来勒上海免费播放。

主要节目

• 《海上大剧院》
• 《电视书苑》
• 《名家名段》
• 《魅力海上花》
• 《戏剧长廊》
• 《绝版赏析》

播放情况

来勒上海境内个东方有线信号里向，夜里向20:00-20:30是各区有线电视节目（只有呒没自办频道个市辖区电视台，侪是中心城区）个插播时段。2022年开始，当五星体育频道有其它安排个辰光，七彩戏剧频道也会得进行中超比赛个直播。

因为地域差异帮语言差异，箇只频道虽然全国播出，必过来勒中国国内绝大多数地区基本呒没人晓得。某些地方个所谓“七彩戏剧频道”会得畀当地地方戏覆盖脱，比方讲福建漳州有线电视转播个“七彩戏剧频道”全天大部分辰光放个侪是当地个芗剧节目，只有半夜里向纔会得放原版节目。

2022年8月30号，七彩戏剧频道关脱标清信号，停止来勒上海市外播出，实质浪成为只来勒上海播出个免费电视频道。

2023年9月份开始，上海广播电视台都市频道、东方影视频道、七彩戏剧频道个内容制作、商业运营划畀上海广播电视台下头个上海都市乐聆文化传播有限公司哉。

2025年1月1号，箇只频道停播哉。