跳转到内容

Lsjbot

出自维基百科,自由个百科全书
Lsjbot创建个其中一条条目

Lsjbot是一個勒拉维基百科浪自动创建个程序或者网络机器人。伊个开发者是瑞典语维基百科维基人斯韦克·约翰松。伊创造仔瑞典语维基百科宿雾语维基百科搭仔瓦瑞语维基百科浪绝大多数个条目[1]

历史[编辑]

Lsjbot个开发者斯韦克·约翰松

2012年1月30号,Lsjbot畀创建出来。截至2014年7月,该机器人已勒拉维基百科浪创建270万篇条目,平均每天好创建约码1万篇条目,占条目总数个8.5%[2][3],当中三分之一是勒拉瑞典语维基百科,三分之二是勒拉宿雾语维基百科瓦瑞语维基百科浪(宿雾语是创办人约翰松妻子个母语)。截至2019年,该机器人已经累计创建950万篇条目,平均每天好创建约码4千篇条目[4]

2014年7月份,华尔街日报发文介绍箇只机器人,引起国际性关注[2]悉尼先驱晨报拿伊同人类历史浪出版书籍最多个作家菲尔·帕克英语Phil Parker (author)摆拉一道,帕克出版多达8.5万本个书,侪是用计算机写出来个[3]。还有媒体拿伊个开发同美联社宣布准备用机器人写报道箇桩事体联系拉一道[5]

2013年6月15号,勒拉Lsjbot个帮助下头,瑞典语维基百科个条目数达到100万,变成功第8只达到箇个目标个维基百科言语版本,甚至第100万個条目就是Lsjbot创建个。箇个辰光,伊已经勒拉瑞典语维基百科创建约码45.4万個条目,条目总数近一半是伊写个[6]

对箇种机器人创建个小作品,有人认为邪气有意思,有人认为缺少有实际意义个内容[7]。早勒拉2017年,瑞典语维基百科便开始删脱Lsjbot写个部分呒没足够信息个条目。

工作范围[编辑]

按照伊勒拉瑞典语维基百科浪个用户页[1],箇个机器人主要勒拉创建世界浪所有生物物种个条目。目前伊已经创建仔所有鸟类昆虫个条目。伊个长期目标之一是创建上百万個维基百科呒没记载过个物种条目。

Lsjbot个另外一项工作是勒拉瑞典语维基百科浪创建同菲律宾有关系个条目。伊好利用塔加洛语维基百科里向相关条目个信息来创建菲律宾乡村相关个小作品条目。伊亦勒拉宿务语维基百科瓦瑞语维基百科创建箇两种言语版本里向绝大多数个条目[1]


参考文献[编辑]