维基百科

吴语维基百科,自由个百科全书
跳到导航 跳到搜索
维基百科
Wikipedia logo.
Detail of Wikipedia's multilingual portal. Here, the project's largest language editions are shown.
网站类型 网络百科全书项目
持有者 维基媒体基金会
创始人 Jimmy WalesLarry Sanger
网站 https://www.wikipedia.org/
商业性质
注册 好选

维基百科是只多种言话个、内容自由个网络百科全书项目。维基百科个英文名字"Wikipedia"是"wiki"(一项技术用来建立好佐隊编写个网站。“wiki”是从夏威夷言话里来个,是“快”个意思。)搭仔"encyclopedia"(百科全书)拼档拼起个。志愿者好合作编写维基百科,允许任何上网好上个人来编写差弗多全部个文章。维基百科主服务器勒佛罗里达阿姆斯特丹首尔也有服务器勒笃。

维基百科乃歇是非盈利机构维基媒体基金会勒笃运作。渠是Larry Sanger吉米·威尔士创立个,前者2002年个辰光已经辞职哉。威尔士实梗描述维基百科,“大家用自家个言话一道来用劲创造搭发布一只多言话个、自由个、尽量高质量个百科全书畀该星球浪个每个人。”[1]

特征[编辑]

维基百科用一个名字叫维基的软件。允许访问者添加、删除再末编辑搭仔改变渠个内容。为之讲一大淘人来建立文章就可能哉;来有新信息个辰光,渠等还好再根据渠更新文章个内容。还有一方面,还包括該樣个意思,即对内容个恶意篡改搭之弗同意见也是蛮普遍个。

搭交关别个百科全书两样,维基百科拿渠个内容侪来GNU自由文档许可证(GFDL)下底发布。

维基百科有一系列个政策来确定哪面個信息好包含来文章里向。来嗨有争议个辰光,譬如讲特定个内容到底阿要添加、修改还是移动到姊妹项目去或者索介删脱。维基百科的核心政策之一就是写文章要用所谓个中性观点。简言之,就是要拿一只物事个有价值个方方面面侪写出来,弗好偏袒任何一方,外加还要拿相应个证据拿出来支持渠等。

维基百科也禁止发布自家个研究,就是所谓个NOR(No Original Research)政策。该个政策个本意是防止有自家理论个人拿维基百科来为渠等自家个理论吸引眼球。“自家个研究”包括编辑人个自家个个人观点、政治观点搭之任何渠自家个对已经出版个材料超出原著者本意个过分个分析或者综合。也就是讲,维基百科发布个任何事实、观点、解释、定义搭仔论据板定要是已经出版发布个搭当前文章搭界个可靠材料浪个。

只要满足下底列表里向个任何一条,该次编辑就好算作个是“自家个研究”:

  • 渠介绍一只理论或者解决方法;
  • 渠介绍编者自家个个人观点;
  • 渠定义新名词;
  • 渠提供或者假设已经之前已经存在个名词个新定义;
  • 渠来呒沒引用权威源头个情况下底,介绍一只新个论点或者论据,来反对或者支持另外一个观点、理论、论据或者立场;
  • 渠介绍已经勒浪个事实、想法、观点或者论据个分析或者综合。而该个分析或者综合又偏向编辑者自家个喜好,且呒拨权威个来头。
  • 渠介绍一只新词汇,还呒沒权威个来头。

维基百科并弗是想拿相关条目建立成功所谓个客观事实,实际上是想对所有相关个观点不偏不倚。

各样个言话版本[编辑]

言话弗同个版本运作独立,𣍐让别样言话版本个内容限制牢,也弗要求主题相同个文章板定要别样言话版本翻译来。自动翻译个文章绝对无用,而精通多种言话个编写人自家翻译是鼓励个。当然言话弗同个版本侪要遵守全球一样个政策,譬如“中性观点”,虽然讲来政策个细部搭执行浪可能尺度两样。文章搭图片,各言话版本个维基百科是共享个:文章好通过维基间链接搭翻译请求页面共享;图片也好通过维基共享资源库存系统共享。

下底是超过15,00,000篇文章个维基百科个前头几只,数据截至2020年10月3号。

  1. 英文 (6,167,774)
  2. 宿雾文 (5,337,992)
  3. 瑞典文 (3,660,342)
  4. 德文 (2,485,812)
  5. 法文 (2,253,724)
  6. 荷兰文 (2,034,144)
  7. 俄文 (1,665,025)
  8. 意大利文 (1,638,738)
  9. 西班牙文 (1,630,234)

吴语维基百科到乃末共总有39629篇文章。

参考文献[编辑]

  1. Jimmy Wales, "Wikipedia is an encyclopedia", March 8 2005, <wikipedia-l@wikimedia.org>

外部链接[编辑]

Commons-logo.svg
维基共享资源里向寻得着搭该篇文章搭界个多媒体资源: