2020年内蒙古示威

内蒙古言话分布图：蒙古言话搭晋语、北方官话（东北官话、兰银官话），中央情报局画个

2020年内蒙古示威（蒙古言话：2020 Өвөрмонголын эсэргүүцэл）是中华人民共和国内蒙古自治区从2020年8月31号开始个示威活动。教育厅拉2020年8月26号发布小学课程改革，要求渠拉用蒙古言话教课个小学个语文科自2020年9月1号开始改用教育部统编教材、道德搭法治科（2016年前头叫品德搭社会）拉2021年秋改成教育部统编教材、并且用国家通用语言文字（普通言话）教课。课改引起一系列公民弗服从个运动。今朝有百多名家长、教师搭维权代表畀拘捕或软禁。箇事件拉中国大陆互联网侪畀屏蔽哉。

起因

2020年6月，內蒙古通辽市一次教育部巡查里向，巡视员透露出消息讲9月开始通辽市个蒙授学校民族学校进行全国统编《语文》教材课改试点，同時政治、历史搭语文三科将畀从蒙文改为普通话教授。箇决定让蒙古族民众好些弗满，当时有一些网上讨论相关话题个社群畀关闭，亦有老师、学生搭家长畀告诫要谨慎发言。

示威爆发

老多蒙古族人认为箇是中華人民共和國政府想让渠拉个小囡弗会得讲蒙古言话，消灭少数民族文化咾，只好拉网络搭街头抗议。

拉内蒙古自治區通辽市，有爷娘拿老小送到寄宿学堂过后纔发现箇个消息，引发哉抗议。家长之后堵勒学堂门口，畀警方击退。蛮多家长表示弗会拿老小送到学堂。