鼻烟

鼻烟（英语：Snuff），一种呒没烟个烟草制品。拿烟草研磨成极细个粉末，用嗅哼个方式吸进鼻腔，经鼻腔吸收當中个尼古丁。當中也好加麝香咾啥个药材，或者用花来提炼，摆勒鼻烟壶里向。

历史

鼻烟个起源地是美洲。1503年，哥伦布第二次到美洲探险，发现印第安人个奇特习俗———吸鼻烟，故咾畀带回欧洲，17世纪个辰光邪气行。

鼻烟传入中国是明代隆庆年间，有四百多年个历史。刚传入中国个辰光，中文叫“士拿乎”、“士那富”、“西腊”、“布露辉卢”、“科伦士拿乎”咾啥个外文音译。雍正年间，雍正皇帝根据鼻烟是用鼻头来闻个特点，命名“鼻烟”。鼻烟传进宫中，由皇帝赏赐畀大臣鼻烟搭仔鼻烟壶，开始流进上流社会。

早期个鼻烟侪是德国、西班牙、法国、泰国个产品，价钿贵，只有官僚贵族买得起。清道光年间五口通商，广州有商行利用国产个烟叶原料仿制进口鼻烟，鼻烟个价钿畀伊拉打下来，开始来勒社会丄普及起来。到仔晚清末年，鼻烟慢慢交畀旱烟、水烟、纸烟代替脱。

一些鼻烟厂商宣传鼻烟治疗多种疾病，呒没任何危害，箇是错个。鼻烟虽然弗燃燒，弗会得拿焦油带进人肺里向，也弗會造成二手烟危害，但是伊同样会得有念头，还会得增加人生鼻癌个风险。^[1]。