鲁涤平

出自维基百科,自由个百科全书

鲁涤平(1887年-1935年1月31号),咏庵,一作咏安旡烦湖南宁乡人,近代湖湘地区搭中国国民党有名个人物。

生平[编辑]

早年参加军队,投身到谭延闿麾下,属于湘军(民国)系统,1920年代头几年,跟随谭延闿一道,算是孙中山派系人物。

1924年10月,鲁涤平个湖南讨贼军改组成建国湘军,鲁涤平担任建国湘军第二军军长。1925年,建国湘军改组成国民革命军,鲁涤平是国民革命军第二军副军长。

1926年7月国民党北伐当中,担任第二军军长代理兼右翼指挥官,1927年5月,升任军长。以及第四集团军第一军团总指挥,是李宗仁麾下。

之后,因为伊是湖南长沙府人,就畀任命为湖南省政府主席,并且主要负责调集湖南、江西个军队,对迭个辰光井冈山个红军进行围剿。

1928年,鲁涤平畀湖南军阀何健用反间计排挤,伊跑到南京,同蒋中正告状,讲是新桂系拿伊轰下台,个能,成为蒋中正对新桂系发动战争个借口(蒋桂战争),战争之后,虽然蒋中正胜利,但投靠蒋中正个何健坐稳湖南省主席位置。鲁涤平只好担任隔壁江西省主席。

之后,鲁涤平领导第一趟江西剿共战争,弗过最后还是输脱,个能,伊就畀撤销军权,回转去担当一点虚职(包括浙江省政府主席),1935年,鲁涤平畀要求去调查史量才案,嘸几日,就神秘死脱,死因也称为民国有名谜团之一。

家庭[编辑]

鲁涤平个阿弟,是近代有名个教育家搭书法家鲁荡平