高境庙

高境庙是上海历史上一座庙，勒拉今朝上海交通大学附属中学里向。箇只庙个名字一度成为周边个地名，现在是高境镇名字个由来，附近还有只同样叫“高境庙”个公交车站。

历史

高境庙本生是道教场所，1924年以后道教、佛教徒侪勒拉箇面祭拜。一二八事变个辰光，因为国民革命军十九路军指挥部勒拉高境庙，故咾高境庙一带个房子畀炸唻精光。1937年淞沪会战个辰光，由于高境庙边浪个岭南大学上海岭南分校是国民革命军个指挥部，日军拿岭南大学上海岭南分校搭仔附近个高境庙侪炸唻一遍，炸唻高境庙只挺断垣残壁。

抗日战争结束以后，高境庙主持杨姓道士募集资金重造箇只高境庙。1966年，高境庙被拆脱。1980年，因为要疏浚河浜，高境庙庙址一部分坍脱，一部分划进上海交通大学附属中学。