高句丽

出自维基百科,自由个百科全书
高句丽古墓中的三足乌、龙、凤壁画

高句丽(韩文:고구려)是东北亚立在中世开始辰光存在个有力古国。迭个国家个建立者是高句丽人。国家也因此得名。高句丽立在3世纪挨末阶段崛起。立在中原地区大乱个魏晋南北朝,成功获得对东北亚个霸权并渗透到朝鲜半岛,后势来搭半岛高头个百济国新罗国对峙,迭个辰光也叫做朝鲜三国时代。高句丽开始辰光个首都立在丸都山城,后势来迁徙到平壤隋帝国建立之后,对迭个东北亚强权邪气弗中意,要拿伊灭脱,引发隋炀帝杨广三征高丽,弗过侪失败。一直到唐帝国建立之后蛮长辰光,才利用高句丽立在朝鲜半岛高头个失败趁虚攻入,搭新罗一道灭脱迭个国家。高句丽后人有定居朝鲜个,也有继续立在北方活动个。8世纪建立个渤海国贵族,就有蛮多是高句丽人。

当今争议[编辑]

因为高句丽早期个活动范围立在乃朝中华人民共和国吉林省,所以,交关中国历史学者根绝迭个声称高句丽是中国历史个一部分。此外,北朝鲜也因为自家个历史原因,一直鼓吹高句丽才是朝鲜三国辰光个正统。