马德里市

来自维基百科
蹦到: 导航搜寻
Panorama de Madrid desde el parque de San Isidro
Panorama de Madrid desde el parque de San Isidro

马德里(西文:Madrid)是欧洲西南面伊比利亚半岛中央个一个大城市,也是乃朝西班牙个首都搭第一大城市。2015年有城区人口超过300万,立在欧洲排名第三。此地个历史弗算老长,大体个发展是从16世纪西班牙哈布斯堡王朝拿首都搬迁到此地之后才开始个。18世纪,马德里开始修造古典主义个城门搭马德里王宫。到19世纪,此地发展比伊比利亚半岛沿海城市要晏,城市文人生活到19世纪挨末阶段才开始勃发。20世纪开始辰光,马德里成为西班牙自由主义个大本营之一,立在西班牙第二共和国辰光成为顶支持共和个城市之一。弗过,到西班牙内战结束,此地归国家主义者重新支配,城市发展加快个同时,立在文娱方面也发生转变,重新搭欧洲其余地区脱节。个能,也让马德里比一些欧洲大都市更加保守,有更多本国移民。弗过,2000年之后,左翼运动重新开始汇聚,外来移民(包括罗马尼亚人摩洛哥人)也加速涌入,带来老多社会治安问题,成为治理此地个问题所在。

体育[编辑]

马德里有好几家有名个足球俱乐部,个当中,顶顶成功个是皇家马德里足球俱乐部马德里竞技足球俱乐部。皇马拿到过将近30趟西甲冠军,马德里体育会拿到过11趟,此外,立在2014年搭2016年,欧洲冠军杯决赛侪是立在马德里个两家大球会之间进行个,结果皇马两趟侪获得胜利,马竞两趟失去获得欧冠个机会。