陆西星

陆西星（1520年-1606年)，字长庚，号潜虚，又号方壶外史，直隸興化縣人。明朝时期道教人士，道教内丹派东派个创始人。

伊从小学个是儒学，考中过秀才。但后手来想考举人个辰光一连9趟参加乡试侪没中举，乃末伊就去学道，伊对人家自称是神仙吕洞宾教了伊丹法秘訣。到了晚年伊又学佛参禅。

陆西星主修內丹，提倡性命双修。伊个著作有《方壶外史》、《南华付墨》、《道緣汇录》、《宾翁自记》等。近代有人认为《封神演义》箇本小说是陆西星写个^[1]。有话陆西星写《封神演义》是為仔特伊女兒出嫁准备嫁妝，印出来么就畅销得勿得了，赚得唻莫捞捞^[2]。