阮玲玉

阮玲玉（1910年4月26号－1935年3月8号），原名阮鳳根，伊個祖籍垃廣東香山，伊垃上海出生。是民國時期頂頂出名個女演员之一，也是一位充滿傳奇色彩個上海女性。弗過阮玲玉廿四歲個辰光悲劇性個香消玉殞。

阮玲玉個爺來伊六歲個辰光病逝，伊搭伊個娘兩家頭相依為命。曾垃上海崇德女子中學個學堂浪向讀書。1926年，伊十六歲個辰光，考入明星影片公司，開始伊個電影藝術生涯。1928年轉入大中華百合影片公司。1930年加入黎民衛、羅明佑創辦個聯華影業公司。主演《野草閒花》一舉成名，奠定伊垃影坛個地位，伊一生共主演廿九部电影。

阮前期多主演通俗社會片，飾演低下階層個堕落女性，如妓女；或者是垃舊社會受欺壓而弗反抗個弱女子。後期受新興電影運動影響，伊個表演風格有交關改變，轉折點是垃卜萬蒼導演個《三個摩登女性》中對舊社會覺悟個女工周淑貞。

阮玲玉垃拍摄《國風》之後，垃1935年3月8日夜頭兩點鐘個辰光垃上海新閘路沁園村個住宅服安眠藥自殺。伊個男友唐季珊發現伊喫仔安眠药，唐擔心自家名譽受損而拒絕送伊入大醫院，反将伊送到日本人個醫院，但夜頭醫院嘸没急診。後首來又送到一家朋友邹醫生個私人醫院，但不愿收留。第二天上午10時送到大醫院個辰光，已錯過最佳搶救時間。