锡安主义

以色列國就是錫安主義運動個成果

锡安主义（希伯来语：ציונות‬‎／Tsiyonut，阿拉伯语：الصهيونية‎／al-Sahyūnī），意思是“犹太复国主义”，也称“犹太圣会主义”，是19世紀後半段開始，勒歐洲中部個犹太人发起个一种民族主义政治运动搭犹太文化模式，伊拉個目的，是讓別人相信，以猶太人自古以來擁有黎凡特地區個“犹太家园”，也因此，有必要回到迭個地方，重新建立一個猶太人國家。

啥叫錫安主義

“锡安主义”個“锡安”（希伯来文：ציון‎，读：Tzi-yon），是一個特殊詞彙，指勒耶路撒冷個锡安山，一般也用來指代“耶路撒冷”。勒猶太人個《圣经》（舊約）當中，章节《撒母耳记下 5:7》有寫：“锡安個堡垒，大卫個城”（fortress of Zion, city of David）。就是勒大卫王统治階段，“锡安”成为“耶路撒冷”搭“以色列之地”代名词，猶太人也好叫做「錫安個人民」。

到猶太人流落到歐洲之後，錫安迭個詞彙，就慢慢同耶路撒冷，以及猶太人個祖籍地掛鉤，成為伊拉對自家故鄉個代名詞。19世紀，“锡安主义”首次出勒奥地利犹太出版商纳坦·伯恩鲍姆于1890年所出版個《自我解放》（Selbstemanzipation）期刊当中，後首來，就普及開來，成為猶太復國主義個等意詞彙。

錫安主義個內容是啥

「錫安主義」個核心，就是創立一個猶太人作為主體個國家。锡安主义個創始人之一，西奥多·赫茨尔认为，反犹主义勒西方社會基本無辦法消失，勒西方國家個犹太人，作为少数民族，無太大發展空間，只有离开西方社会，才好讓犹太人摆脱迫害。所以，猶太人必須建立一個自家個國家。

錫安主義選中啥地方建立猶太家園

一開始，錫安主義並弗單單選中巴勒斯坦地區，伊拉也歡喜考慮阿根廷，俄羅斯遠東，甚至東非，弗過，巴勒斯坦地區因為距離比較近，以及歷史上通猶太人個特殊關係，慢慢成為最終選擇。

錫安主義同希伯來語復興個關係

一般來講，錫安主義者儕是強烈個民族文化復興愛好者，伊拉對於個辰光猶太人語言上四分五裂，交關人弗曉得使用自家個經書語言希伯來文個狀態邪氣失望，認為有必要勒猶太家園，重新推廣一種猶太人自家個語言，此種做法推動20世紀上半葉希伯來文個復興運動，並且成功讓迭個基本功能性死亡個語言，重新成為一門有交關人使用個語言，勒世界語言復興個歷史當中，也屬於極少數成功案例。