耶路撒冷

耶路撒冷（希伯来文：יְרוּשָׁלַיִם‎ ，拉丁转写：Yerushaláyim；阿拉伯文：القُدس‎ ，拉丁转写：al-Quds；唐朝景教根據敘利亞語「Ūrišlem」譯作烏梨師斂）是中东个黎凡特地区当中个一个内陆城市。乃朝也是以色列搭巴勒斯坦侪声称个自家首都。此地个历史好追朔到几千年之前。后势来，因为犹太教，基督教搭回教个经典缘由，成为这些宗教个圣城。从此，获得立在中东搭西方世界无与伦比个特殊地位。到1948年之后，城市个西面划分把犹太人建立个以色列统治，东面划分把阿拉伯人（实际畀约旦占领）。1960年代之后，以色列控制全境。弗过立在圣殿山、圆顶清真寺等问题高头，还是搭阿拉伯人关系邪气紧张。耶路撒冷有交关独一无二个宗教遗迹，包括犹太人个精神寄托哭墙搭耶稣个安葬场化圣墓教堂。