錢塘潮

2009年杭州个钱江大潮

錢塘潮，貤謳作錢江潮、海宁潮，指个是錢塘江下游个江水因之受到特定天時个強大潮汐力，形成一定規模海潮个自然現象。钱江潮一日天两趟，相隔约莫12个钟头，顶高个辰光好到3.5米，潮差8－9米。

緣故

钱塘江河口是典型个喇叭形河口，内口小，外口大，最外侧芦潮港到外游山连线河口阔98.5公里；到仔澉浦一带只挺19.4公里，潮水水位也比外侧增加一倍，多年平均5.58米，最大记录8.93米；从澉浦往上游走，河床迅速升高，水深变浅，故咾钱塘江潮水，自海宁尖山开始，溯江百余公里，到杭州闸口后慢慢交消失脱。钱塘江潮水形成个主要原因有二隻：一隻是伊喇叭形河口个地貌特征扩大潮水个能量，抬高潮水水位；两是澉浦以上个河段有大个沙坎，河床迅速抬高。

古人对潮水个成因早有认识：东汉个王充来勒《论衡》里向就谈到过潮水跟咾日月盈亏变化，进仔河浜会得因为水深较浅而激起潮涌；北宋个燕肃则来勒《海潮论》里向提出钱塘江潮水有河口个沙坎个原因，沙坎堵牢潮水，后浪堆叠形成潮高。

传说

相传春秋战国，伍子胥畀吴王夫差杀脱，伊死前声称要来勒吴国都城门前用自家个眼睛看越国人攻陷吴国，夫差故咾拿伍子胥厾勒江里向。后些来，越王勾践诛杀功臣文种，拿文种葬勒西山。故咾有人认为钱塘江潮水个前潮是伍子胥，后潮水是文种，《吴越春秋》则讲钱塘江潮水是伍子胥个神力造化。