邓散木（1898－1963），生垃上海。著名篆刻家。初名菊初，号粪翁、钝铁。到仔晚年，为仔脉管炎而截肢，畀锯脱一只脚，索性自号一足，又称夔——因为“有夔一足”个典故。
是赵石（古泥）先生个得意门生，所以精通封泥、秦汉印章。中共建国前已经名气交关响，中共建国后调入中央，并垃北京广收门徒，使北方个篆刻艺术得到发展。虽然有南邓北齐个说法，但齐白石长于画，而篆刻方面根本弗好跟邓先生搭脉。
出版有手写体个《散木印艺》，可以看到邓先生书法功力深厚。
