通扬运河

出自维基百科,自由个百科全书
通扬运河一段

通扬运河,顾名思义,通州扬州中央个条运河,古称运盐河,顶早勒拉公元前179-141年开始修建(西汉文帝景帝)。来吴王刘濞个主持之下,沿仔春秋辰光吴王夫差开个邗沟开成个。主要用渠来运盐,全长212公里,一脚是用得来通江排水或者航运个。

历史[编辑]

  • 西汉辰光,今朝个如皋搭南通还是海,扬州过来个运河到海陵,便今朝个泰州市
  • 三国运河堵塞。
  • 辰光,有通漕记载。
  • 宋嘉佑(1056~1063年),徐的调兵治泰州、海安咾啥场化个漕河,开通仔运出海盐三百万,“计得钱八百万缗”。归个辰光开始,用搿条运河运盐成为惯例。
  • 熙宁辰光,王子京修运盐河,泰州到如皋170来里(参见如泰运河),后来再到南通出江。
  • 宣德辰光,白塔河置闸蓄水,乃么通扬运河个船只好经过白塔河入江,渡江到苏州搭仔江南各地。陈瑄进一步疏通白塔河,造新开、大桥、潘家、江口4闸,使得江南粮船孟渎河到白塔河,再经“通扬运河”到“湾头”,一脚到淮扬运河。实梗好弗经过瓜洲
  • 万历23年,杨一魁分黄导淮,开江都金湾河,造金湾减水三闸。
  • 明末,江都造湾头闸、壁虎桥滚水坝搭凤凰桥滚水坝,分减淮扬运河。水经通扬运河归到芒稻河再流到江里向,通扬运河成为减水通路。
  • 乾隆年间,金湾坝引河、东西湾坝引河、凤凰引河搭仔壁虎坝、湾头闸侪造好,通扬运河有得交关复杂个水流形势。航运搭泄水分开,芒稻河各水道好日长开勒浪,调度运行交关便当。
  • 清代到民国辰光,通扬运河好几次修筑,保持通航一径到今朝。