越剧
| 越剧（尹派） | |
|---|---|
|
中华人民共和国 国家级非物质文化遗产 | |
 | |
| 申报地区或单位 |
浙江省 上海市 福建省芳华越剧团 |
| 分类 | 传统戏剧 |
| 序号 | 197 |
| 编号项目 | Ⅳ—53 |
| 登录 | 2006年 |
越剧，中国主要戏曲剧种之一，浙江嵊州起，上海兴，江南繁荣，中国五大剧种之一。[1][2]有第二国剧个讲法。[3]越剧曲调软带带，小提琴协奏曲《梁祝》个主旋律便用越剧个曲调。[4]越剧起世便只男演员，到上海发展之后为女班演出受欢迎险，发展起所有角色都让女个来演个女班越剧。1949年之后，开始招一许男演员，但玱朞叫旧是女班越剧为主。越剧原先来江浙沪作兴，后晚来全中国都受欢迎。[5]越剧舞台语音个基础语音是嵊县方言腔。勒越剧发展过程中，越剧语音来嵊州言话个基础上，吸收了中州音韵搭官话个语音，使得越剧个观众范围扩大。[6]
2006年5月，越剧收进文化部头一批国家级非物质文化遗产。[7]
名字个由来
[编辑]越剧，又叫绍兴戏，英文名Yue Opera。目前对“越剧”箇只名字个顶顶早起源有争议，箇是因为老早各地各人个讲法侪弗一样，资料记载也各有区别，所以大家对越剧名字个由来搭变化並呒没一個准确个共识[8]。一般认为伊是从浙江等地个民间戏曲当中演变过来个。
目前主流认可伊一开始是嵊县（现嵊州）地区农村个“落地唱书”，勒拉清朝光绪三十二年（1906年）春天演变成草台浪演出个戏曲[9]。到1939年，越剧勒拉上海有交关爱好者，也有弗少戏班，有戏班选择用“越剧”箇個名字进行宣传，並勒拉报纸浪写伊背后个忍辱负重个意思，故咾各地逐渐侪叫伊“越剧”哉[10]。
历史
[编辑]越剧前身是落地唱书，19世纪末勒垃浙江嵊县一带行个，表演者一般是农民或者手工业者。[11]越剧具体么是1906年产生个，是历史较新个剧种。
1906年农历三月三（3月27号），高炳火、李世泉等人勒垃东王村演出，是越剧头一趟正式演出，箇天也成为越剧箇生日，东王村成为越剧诞生地。箇辰光，越剧叫小歌班。[12][13][14]1917年，小歌班头一趟到上海演出。[15] 箇辰光，越剧没啥配乐，表演也勒垃初期发展阶段。[16]
1921年，越剧叫“绍兴文戏”。1923年农历五月廿七，王金水、金荣水勒垃浙江嵊县开办第一家绍兴文戏女子科班，箇天成变成女子越剧个生日。1924年，越剧女班头一趟勒垃上海演出。越剧女班个出现，改变越剧个发展方向。箇辰光还是男班为主。1937年抗日战争爆发仔么，越剧男班呒脱，女班成为主流，上海也成为越剧中心。[17]根据樊迪民个建议，绍兴文戏正式拿名字改成“越剧”。
1942年，袁雪芬等人力推越剧改革，出现“新越剧”，建立完备个编导制、剧本制，创造新个越剧主腔[尺调]、[弦下调]。1947年8月份，尹桂芳、徐玉兰、竺水招、筱丹桂、袁雪芬、张桂凤、吴小楼、傅全香、徐天红、范瑞娟十位女演员发起联合义演，剧目是《山河恋》，箇十家头大家叫伊拉“越剧十姐妹”。[18]
1949年9月，越剧表演家袁雪芬作为戏曲界特邀代表去北京参加新政协会议，外加接受点评。[19]
共和国成立仔么，民营越剧团基本浪向收归国有，部分越剧演出团体开始男女合演越剧个探索。[20]箇辰光，越剧起蓬头唻。文革前，除开广东，广西，西藏咾啥个省区，中国大陆各省侪有专业越剧团。
文化大革命个辰光，交关越剧团弗得弗解散，越剧艺术家也受着迫害，半身瘫痪甚至死脱个侪有个。[21]1969年夏天，毛泽东勒垃杭州听越剧《梁山伯与祝英台》录音仔么认为弗应该全面否定越剧，听仔“改革越剧”个《红灯照》唱段仔么，认为各個地方剧种就要有伊自家个特色，故咾後首来越剧个形式丄保留下来。[19]
文革结束仔么，交关越剧团恢复建制，出现单仰萍、王志萍、赵志刚，何英、韩婷婷、方亚芬咾啥个优秀演员。改革开放仔么，流行音乐咾啥个多式多样个艺术形式出来哉，外加文革造成观众断层，越剧观众越来越少，交关越剧团撤销。[22]2006年，经中华人民共和国国务院批准，文化部确定越剧是第一批国家级非物质文化遗产。[7]
表演
[编辑]行当
[编辑]越剧角色个行当分成小生、小旦、老生、老旦、小丑、大面六個，主要是小生小旦。1940年代越剧改革开始到今朝，行当个区别并弗严格。
- 小旦 指年轻女性角色。好分成悲旦、花旦、闺门旦、花衫、正旦、武旦六种。
- 小生 指年轻男性角色。好分成书生、穷生、官生、武生四种。
- 老生 指老年男性角色。好分成正生、老外两种。
- 老旦 指老年女性角色。比方讲《红楼梦》里向个贾母，《西厢记》里个崔夫人。
- 小丑 又叫小花脸，越剧里向个滑稽角色。好分成长衫丑、官丑、短衫丑、女丑。
- 大面 又叫大花脸，弗少是恶人坏人个角色，有个辰光亦是正面个角色，比方讲《追鱼》里向个包公。
唱腔
[编辑]越剧个主要腔调是[四工调]、[尺调]、[弦下调]、[C调腔]等。
音韵
[编辑]越剧个基础言话是嵊县方言，主要用个是近似普通话个讲法，也有些是嵊州言话里向个生活语音。
做工
[编辑]艺术流派
[编辑]越剧目前经常畀人提到个艺术流派有尹(桂芳)派、徐(玉兰)派、毕(春芳)派、范(瑞娟)派、陆(锦花)派、袁(雪芬)派、王(文娟)派、戚(雅仙)派、傅(全香)派、金(采凤)派、吕(瑞英)派、张(云霞)派、张(桂凤)派十三個流派[23] ，其实还有竺水招派、吴小楼派、徐天红派、商芳臣派等流派。尹(桂芳)派、徐(玉兰)派、毕(春芳)派、范(瑞娟)派、陆(锦花)派、竺(水招)是小生流派，袁(雪芬)派、王(文娟)派、戚(雅仙)派、傅(全香)派、金(采凤)派、吕(瑞英)派、张(云霞)派是小旦流派，张桂凤派、吴小楼派、徐天红派、商芳臣派是老生流派。
越剧流派个发展对推动越剧个发展做出邪气重大个贡献。
音乐
[编辑]越剧音乐优美抒情，故咾广受欢迎。《梁祝小提琴协奏曲》就是用越剧个曲调做基础改编出来个[24]。
越剧个主奏乐器是鼓板、越胡，其他乐器还有扬琴、二胡、中胡、大提琴等。演奏乐队传统上主要用中国民族乐器，分吹、拉、弹、打四個部分。
舞台美术
[编辑]越剧舞台美术独具特色，畀黄梅戏、潮剧、琼剧、豫剧等剧种学习。越剧服饰清丽柔美，借鉴古代仕女图个样式，箇跟传统戏曲衣裳繁琐弗一样，旦角特别明显。同京剧等剧种比，越剧化装搭仔布景更加写实[25][26]。
化装
[编辑]越剧化装兼具传统水粉化装法搭仔电影话剧化装个长处，经常用油彩化装，风格柔美明快。勒拉旦角化装方面，越剧用独特个越剧古装头套，造型上借鉴古装仕女画个发式。古装戏里向，一般弗用脸谱式个化装，跟其他剧种比更加生活化。
服装
[编辑]
越剧服装清丽柔美淡雅。服装色彩上多用中间颜色，简洁，弗浓重。越剧旦角个服装，多借鉴中国传统人物画（特别是仕女画）搭仔传统美术，裙子多是百褶裙，多系拉上衣外头。衣料上，主要用无反光性个面料，比方讲绉缎、乔其纱[26]。
布景道具
[编辑]越剧个布景同表演风格密切结合，用个是立体个布景，较其他剧种更加写实。越剧里向个道具弗少直接用个是生活用品，有星用个是仿真制作个，刀枪棍剑等常用道具则更加轻巧化[26]。
灯光、效果、扩音、字幕
[编辑]1940年代，舞台灯光搭仔扩音设备逐步勒拉越剧演出活动里向出现。1950年代，剧场演出个辰光，开始勒拉舞台边浪摆只显示屏，用字幕放台词，方便观众。1960年代，开始用录音设备来制造声音效果，比方讲打雷个声音。
导演
[编辑]越剧是顶顶早建立导演制个剧种之一。1940年代，袁雪芬倡导越剧改革，越剧开始确立编导制，促进越剧个发展。
演出个地方
[编辑]越剧刚出现个辰光，艺人是勒拉木桶搭起个临时舞台高头演出个，条件邪气简陋。进入上海以後，越剧开始勒拉剧院里向演出。越剧高光个辰光，它勒拉上海个大剧院当中争得一席之地。
剧目
[编辑]越剧历史虽短，但发展迅速。据统计，1949年个辰光，各地越剧演出团体上演个剧目有近6000只。1949年后，剧团国有化，剧目也得到整理搭仔进一步个发展。
比较优秀个传统剧目有：《红楼梦》《梁山伯搭祝英台》《碧玉簪》《情探》《追鱼》《盘夫索夫》《李翠英》《血手印》《打金枝》《西厢记》《孔雀东南飞》等；
优秀个现代剧目有：《祥林嫂》《早春二月》《浪荡子》《家》《一缕麻》《第一趟亲密接触》等。[1]
人物
[编辑]越剧演员
[编辑]
早期，越剧只有男演员，进入上海发展后因女班演出广受欢迎，发展成各個角色侪由女演员演个女子越剧。1949年后，恢復招收部分男演员。因为越剧声腔阴柔，男演员咾难演出越剧个声腔特点，故咾今朝大多数侪用女班戏，越剧界个男演员邪气少。
男班辰光，著名小旦演员有：卫梅朵、白玉梅、费翠棠、金雪芳等，小生演员有：王永春、张云标、张志帆、支维永等，老生演员有：马潮水、娄天红、童正初、金晓邦等，老旦演员有：姚方松、金世明等，小丑演员有：马阿顺、金瑞苗等，大面演员有：金荣水、李桂芳等。[27]
绍兴文戏辰光，男演员越来越少，著名小旦演员有：施银花、赵瑞花、小白玉梅、姚水娟、王杏花、筱丹桂、邢竹琴、支兰芳等，小生演员有：屠杏花、马樟花、竺素娥、李艳芳、魏素云、王水花等，老旦演员有：周宝奎，老生演员有：商芳臣等。施银花、赵瑞花、王杏花、姚水娟、筱丹桂五個人合称“三花一娟一桂”。[28]
后些来又出现尹桂芳、徐玉兰、竺水招、袁雪芬、张桂凤、吴小楼、傅全香、徐天红、范瑞娟、王文娟、戚雅仙、吕瑞英、张云霞等出名个越剧演员。尹桂芳、徐玉兰、竺水招、筱丹桂、袁雪芬、张桂凤、吴小楼、傅全香、徐天红、范瑞娟箇十个人，大家叫伊拉越剧十姐妹。
文革以后，著名小旦演员有方亚芬、王志萍、单仰萍、陈飞、吴素英、金静、黄依群、何赛飞、何英、陶慧敏、颜恝等，小生演员有韩婷婷、茅威涛、赵志刚、吴凤花、钱惠丽、郑国凤、萧雅、王君安等，老生演员有董柯娣等，老旦演员有章海灵、俞会珍等。
越剧职员
[编辑]出名个越剧导演有吴琛、黄沙、金风等。越剧编剧有陶贤、樊迪民、庄志、徐进、顾锡东、胡小孩等。知名个越剧作曲有顾振遐、周大风等。舞美设计有苏石风等。
团体
[编辑]出名个越剧演出团体有上海越剧院、浙江越剧团、南京市越剧团、福建省芳华越剧团、杭州越剧院、浙江小百花越剧团、绍兴小百花越剧团、宁波小百花越剧团、嵊州市越剧团等。
参考资料
[编辑]- ↑ 1.0 1.1 全国第二大剧种：越剧 档案，存勒互联网档案馆当中。（2009年9月8号），新华网（简体中文）
- ↑ 毕军编著 ．《博大精深的中华文化事典》 ：时代文艺出版社 ，2010年版，第117页
- ↑ 陆丹 ．《中国戏曲漫谈》 ，中国少年儿童出版社 ，1996年版，第18-19 页。
- ↑ 《梁祝》50年，中国新闻网（简体中文）
- ↑ 越剧寻根，嵊州市政府网站（简体中文）
- ↑ 戏曲音乐-越剧的艺术特色 档案，存勒互联网档案馆当中。（2009年9月7号）（简体中文）
- ↑ 7.0 7.1 国务院关于公布第一批国家级非物质文化遗产名录的通知（简体中文）
- ↑ 越剧诞生地何以出现新说. 原始文档勒2009-09-09存档. 访问日脚2009-06-28.
- ↑ 越剧百年庆生时-搜狐新闻 档案，存勒互联网档案馆当中。（2011年4月11号），搜狐网
- ↑ 新华网-越剧三易其名方才定型 档案，存勒互联网档案馆当中。（2008年10月6号），新华网
- ↑ 百年越剧曾这样走来. 访问日脚2009-06-28.
- ↑ 越剧-古越乡韵辉煌百年-CCTV网 档案，存勒互联网档案馆当中。（2008年7月26号），央视网
- ↑ 探访起源地东王村,百年越剧始于四个稻桶 档案，存勒互联网档案馆当中。（2021年8月10号），文新传媒网
- ↑ 一百年，越剧仍在这里美丽 档案，存勒互联网档案馆当中。（2009年9月7号），新华网
- ↑ 百年越剧知识 档案，存勒互联网档案馆当中。（2009年7月15号），浙江在线
- ↑ 越剧的小歌班时期 档案，存勒互联网档案馆当中。（2009年9月7号），中国网
- ↑ 越剧的中心为何从浙江转向上海 档案，存勒互联网档案馆当中。（2009年9月11号），嵊州市政府网
- ↑ 越剧“十姐妹”的来历 档案，存勒互联网档案馆当中。（2009年7月15号），浙江在线
- ↑ 19.0 19.1 毛应民：“毛泽东点评四种浙江地方戏”，《人民政协报》， 2004-12-18. 原始文档勒2021-09-04存档. 访问日脚2025-08-31.
- ↑ 浙江越剧团庆生演出启动，坚守男女合演60年 档案，存勒互联网档案馆当中。（2016年3月4号），新浪网
- ↑ “文革”中的越剧 档案，存勒互联网档案馆当中。（2009年9月7号），中国网
- ↑ adapt=1/www.szycjy.gov.cn/data/body/200610/200610050835167162.htm 越剧在1949年以后的发展.
- ↑ 越剧流派艺术-浙江在线. 原始文档勒2009-09-07存档. 访问日脚2024-02-07.
- ↑ 小提琴协奏曲《梁祝》诞辰50年：不是个人功劳 档案，存勒互联网档案馆当中。（2009年9月7号），新民网
- ↑ 越剧舞台美术沿革-上海越剧. 原始文档勒2009-09-07存档. 访问日脚2024-02-07.
- ↑ 26.0 26.1 26.2 百年越剧：沧桑历尽吐芬芳. 原始文档勒2009-09-07存档. 访问日脚2024-02-07.
- ↑ 小歌班时期的主要名伶. 原始文档勒2009-09-08存档. 访问日脚2009-06-28.
- ↑ 越剧发展史“三花不如一娟”的由来. 原始文档勒2009-09-07存档. 访问日脚2024-02-09.
外部链接
[编辑]
- 越剧介绍 档案，存勒互联网档案馆当中。（2006年2月20号）
- 嵊州热线越剧知识历史
- 神州戏曲网越剧历史档案，存勒互联网档案馆当中。（2009年1月6号）
- 新华网-全国第二大剧种：越剧
- 上海越剧
| 中国五大剧种 |
