贲门
贲（音奔）门（cardia）是人或动物消化道个一部分，是食道搭胃个接口部分。
食道黏膜来拉贲门处搭胃黏膜连接。此地食管下段括约肌起到收紧胃上口个作用，来拉胃个蠕动过程中防止胃内容物返入食道，从而避免胃酸烧伤食道壁（而胃壁本身耐酸）。正常人即使平困或者顶倒转来，胃内容物也弗会返流进入食道，箇个也是由于食管下段括约肌各作用。点毛毛头吃奶之后平困容易吐奶，原因之一也是贲门肌肉比较薄弱。
贲门处个腺组织称为贲门腺，搭另外两类胃腺（胃底腺、幽门腺）个构造不同在于贲门腺比较浅，且呈简单管状。
组织学
[编辑]食道内层表面覆盖著多层个无角质化鳞状扁平上皮细胞，胃内壁则为简单柱状上皮细胞覆盖，贲门即为二者交界处。