诸咎（？－前375年），战国个辰光越国国王越王翳个太子。翳三十三年（前378年），越国衰落从琅琊迁都到吴（今朝苏州），越国衰落。翳三十六年（前375年），越王个兄弟豫谋夺王位，连续杀脱翳个三个倪子。豫鼓动哥哥再要杀脱太子诸咎，越王弗听。七月，诸咎担心自家，带领军队赶走之豫，又包围王宫，杀脱越王翳。越王翳临死个辰光讲后悔弗听豫个闲话朆拿诸咎杀脱。十月，越国人杀脱太子诸咎，越国开始内乱。勒吴地个越国人拥立错枝做越王。第二年，越国大夫寺区平定内乱，拥立无余之为越王。《庄子》所讲个“越人三世弑其君”就是指箇桩事体。
