虹口救火会(Hongkew Fire Station)，貤叫虹口消防站，俗称沈家湾救火会，来勒上海市虹口区吴淞路560号，也就是吴淞路武进路路口东北转角处。伊是上海公共租界工部局火政处来勒1867年造个，1915年改造成现在个规模。救火会由三层砖木结构个专用房子搭高36米个瞭望台组成。租界时期，虹口救火会主要负责公共租界北区个大部分消防任务，是上海乃至中国设置个第二座现代消防站。现在箇只救火会是上海市消防救援总队虹口区消防救援支队虹口消防救援站营区。
