蘇格拉底
蘇格拉底（希臘文：Σωκράτης，拉丁文：Socrates，前470年－前399年），古希臘哲学家，搭俚學生子柏拉图,还有其学生子亞里士多德，畀并称為希臘三賢。俚被認為是西方哲學個奠基者。雖然俚自家朆留下著作，俚個思想搭生平记述由后来個学者——主要是俚个学生子柏拉图——搭同时代個剧作家阿里斯托芬個剧作中。柏拉图个《对话》里向记载到苏格拉底在伦理学领域之贡献。
依據古代記載，蘇格拉底出生嘞伯里克利統治個雅典黄金時期，出身貧寒，阿爺是雕刻師，俚娘是助產士。蘇格拉底個家之婦是贊西佩（Xanthippe，5th century–4th century BCE），俚替蘇格拉底生仔3個兒子（Lamprocles, Sophroniscus, Menexenus）。蘇格拉底死個辰光，俚篤儕非常年幼。
傳說中贊西佩是一位脾氣暴躁，又嘮叨不休個潑婦。不過箇可能是因為色諾芬（Xenophon, 430 BC-354 BC）對俚誇大描述造成功個。有只著名個故事：有次贊西佩對蘇格拉底大吵相罵，然后用垃圾搭齷齪水弄到蘇格拉底一身，蘇格拉底說：“我就曉得陣頭響仔，就要落雨哉”。
依據色諾芬個《會飲篇》記載，蘇格拉底曾經講過要將俚自家一生只貢獻畀最重要個技藝或職業：討論哲學。蘇格拉底在俚阿爺過班後，只繼承嘞一筆為數不多个遺產。根據色諾芬記載，蘇格拉底是依靠學生貢獻個學費維持生計。但阿里斯托芬（Aristophanes, 448 BC-220 BC）描寫到，蘇格拉底開辦著一爿哲學學堂。那么柏拉圖（Plato, 427 BC-347 BC）個《會飲篇》記載到蘇格拉底明確拒絕接受教學學費。箇看出，俚有可能是依靠朋友如克力同個施与。
訴己個著作，當代對於蘇格拉底所曉得個一切大多是來自交關勿一樣個記載：由蘇格拉底個學生柏拉圖所記載個對話錄、色諾芬個著作、搭嘞阿里斯托芬搭亞里士多德（Aristotle, 384 BC–320 BC）個著作。
除此之外，阿里斯托芬對於蘇格拉底個記載，並非有意記載蘇格拉底個真實生平。實際是對俚個挖苦搭諷刺。另一件複雜個問題在於，古希臘學者常會將俚篤自家個概念、理論、有時候甚至是個人個特徵，儕記載為俚篤個導師所提出個。柏拉圖也遵循嘞箇傳統，因此柏拉圖對於蘇格拉底個記載窮有可能也參雜著俚本人個觀念。
蘇格拉底個朋友阿爾西比亚德斯勒對話錄中指出，蘇格拉底曾經勒嘞伯羅奔尼撒戰爭中加入雅典軍隊作戰。柏拉圖個《會飲篇》也指出蘇格拉底個人相當個勇敢。有屆，蘇格拉底来戰場上緊跟阿爾西比亞德斯個身邊，保護俚，作興還拯救過俚個性命。