柏拉圖

柏拉圖（希臘語：Πλάτων，約公元前427年－前347年）是著名個古希腊哲学家，雅典人，俚個著作大多以對話錄形式紀錄，並創辦仔著名個柏拉图学院。柏拉圖是蘇格拉底個學生子，也是亞里士多德個老師，俚篤三人畀廣泛認為是西方哲學個奠基者，史稱「西方三聖賢」或者「希臘三哲」。

柏拉圖出生勒一個富裕個貴族家庭，俚父親是蘇丹（Sultan）、母親是克里提俄涅（Perictione），俚勒窩里排行第四。俚個家庭據傳是古雅典國王個後裔，俚也是當時雅典知名個政治家柯里西亞斯（Critias）個姪子。依據後來第歐根尼·拉爾修個說法，柏拉圖個原名為亞裡斯多克勒斯（Aristokles），後歇來因為俚强壯個身軀畀稱為柏拉圖（勒希臘閒話當中，Platus一詞是“平坦、寬闊......等意思）。但第歐根尼也提起其他說法，柏拉圖該名字也作興是來自俚流暢寬廣（platutês）個口才、或因為俚擁有寬廣個額角頭。由於柏拉圖出眾個學習能力搭其他才華，古希臘人還稱讚俚為阿波羅之子，並稱勒柏拉圖還是嬰兒個辰光曾有蜜蜂停留勒俚嘴唇浪，俚個口才再會箇浪甜蜜流暢。

公元前399年，蘇格拉底受審并畀判死刑，柏拉圖對當時個政治體制徹底絕望，那麼開始遊遍義大利半島、西西里島、埃及、昔蘭尼加等地以尋求知識。據說俚勒四十歲辰光，大約公元前387年結束旅行轉去雅典，並勒雅典城外西北角創立著自家個學堂—即著名個柏拉圖學院，該爿學院成為西方文明最遭有完整組織個高等學府之一，后世個高等學術機構也因此而得名，也是中世纪辰光勒西方發展出来個大學個前身。

學院個名字搭學院個地址有关，坐落勒一處曾為希臘傳奇英雄阿卡得摩斯住所個土地浪，因而以此命名。學院存在仔900多年，直到公元529年畀查士丁尼大帝關閉為止。學院受到毕达哥拉斯個影響較大，課程設置類似于畢達哥拉斯學派個傳统课题，包括算術、幾何學、天文學搭聲學。學院培養出交關知識份子，當中最傑出個是亞里斯多德。

除之荷馬外，柏拉圖也受到交關箇之前個作家搭思想家個影響，包括了畢達哥拉斯所提出個「和諧」概念，搭勒阿那克萨戈拉教導蘇格拉底應該拿心靈或者理性作為判斷任何事體個根據；巴门尼德提出個連結所有事物個理論也作興影響著柏拉圖對於靈魂個概念。