肥后国

熊本城天守閣から見て西方の金峰山周辺の市街地

肥後国（日文：肥後国／ひごのくに），是日本六十六令制国当中个一个，也叫肥州（日文：肥州／ひしゅう），具体位置在拉西海道（九州岛）落西，搭萨摩国、日向国、丰后国接壤。老早底是九州岛高头顶顶重要个农业生产区域，治所在拉乃朝熊本市。

此地在拉日本中世当中成为南北朝个拉锯区域，菊池氏搭相良氏长期鏖战^{鏖音拗平声}。弗过，到日本战国时代，因为地理位置在拉九州岛南北当中，反倒成为各个更大势力冲突个战场。到江户时代，加藤清正获封熊本藩，伊故脱之后，家族畀改易，让亲德川个细川忠兴儿子，细川忠利从丰前国小仓藩移到此地，获得迭个大藩，之后细川氏个统治一直维持到废藩置县改叫熊本县为止。