肃顺

肃顺（满语：ᡠᡴᡠᠨ ᠰᡠᡧᡡᠨ，穆麟德：Uksun Sušūn，太清：Uksun Suxvn；1816年11月26号－1861年9月），字雨亭，爱新觉罗氏，清朝宗室，镶蓝旗人，郑献亲王济尔哈朗七世孙，郑慎亲王乌尔恭阿第六子，渠个兄端华袭郑亲王爵。

生平

年轻辰光，肃顺在拉紫禁城当中当守卫，因为一趟满语应答接牢咸丰帝个言语，畀发现看重，之后，就慢慢较畀委任担任蛮多职务。因为伊会察言观色，又思路清爽，行为霸道，所以，一方面有蛮多人拿伊当成自家派系个领导人物，另外一方面，也导致交关人邪气延鄙伊。

1860年第二趟鸦片战争辰光，因为判断失误，咸丰帝之好同自家个后宫，儿子，以及肃顺等大臣一道跑到畀荒废交关辰光个热河避暑山庄避难。在拉热河，肃顺彻底掌握咸丰个信任，也因为个能，伊在拉咸丰死脱个辰光，畀任命为八个顾命大臣之一。

弗过，八个顾命大臣多数是咸丰个远系亲戚（多数是嘉庆、乾隆乃至更早铁帽子王后裔，包括肃顺自家），伊拉个势力冒头，就让咸丰个老婆（慈禧太后、慈安太后）以及咸丰个兄弟（包括醇亲王、恭亲王）等相当弗满意，个能，两派人个斗争就愈来愈严重。

因为肃顺自信自家掌握实际权力，伊在拉布局清扫对方势力辰光，有点头昏，让自家失去蛮多机会，个能，在拉从热河回北京个道路当中，伊畀慈禧同奕䜣派遣个军队捉牢，查办（详情看辛酉政变），嘸多少辰光，就在拉1861年在拉菜市口畀杀头。