缉椝中学教学楼
缉槼中学教学楼，貤叫市东中学老教学楼，是上海市杨浦区一座历史建筑，也是上海市市东中学个前身缉槼中学个教学楼，来勒杨浦区荆州路42号个上海市市东中学校园里向。箇幢教学楼由上海公共租界工部局建设，1914年开工，1915年冬季造好，第二年投用。大楼有三层，建筑面积3149平方米。整体是砖木结构、英式建筑风格，顶部是红瓦尖顶[1]。建筑外立面是清水青砖，嵌有红砖装饰，券柱廊窗帮长方形窗搭配[2]。冬天，教学楼里向有水汀送暖[3]。2004年2月25号，缉槼中学教学楼成为杨浦区登记不可移动文物。
2020年，市东中学来勒1915年原貌个基础浪对老教学楼进行修缮，拿后期加装个现代装饰通通拆脱，恢复礼堂、走廊等标志性室内装饰个历史原貌[4]，2022年10月份完工。修缮以后个大楼是“吕型伟书院”继续用[5]。
参考资料
[编辑]- ↑ 上海市杨浦区地方志编纂委员会 编（2009）．杨浦区志1991-2003．上海高教电子音像出版社．ISBN 978-7-900430-80-9．
- ↑ 钱好 (2018-05-11). "上海马路40年丨霍山路：为犹太难民搭起生命方舟，也是电影《风云儿女》的拍摄地". 文汇报.
- ↑ 上海市杨浦区志编纂委员会 编（1995）．杨浦区志．上海社会科学院出版社．ISBN 7-80618-086-9．
- ↑ 何清扬 (2024-05-23). "上海校园建筑遗存探秘：市东中学老教学楼". 上观新闻.
- ↑ 闻吕 (2023-11-19). "百年老教学楼，至今书香依旧丨上海杨浦生活秀带国家文物保护利用示范区建设". 上观新闻.