约瑟夫二世

来自维基百科
蹦到: 导航搜寻
Carl von Sales Bildnis Joseph II posthum 1823

约瑟夫二世(德文:Josef II,1741年3月13号-1790年2月20号),是奥地利特蕾莎女王个长子,也是哈布斯堡-洛林家族个第一个君王。渠1764年接替自家暴毙个阿伯洛林大公弗朗茨一世继承神圣罗马帝国皇帝头衔。弗过因为渠场娘特蕾莎继续担当奥地利个顶搞裁决者,盖咾只弗过是一个空虚头衔。到1780年渠娘死脱之后,约瑟夫二世再开始摆脱束缚,彻底施展自家酝酿交关辰光个开明专制启蒙思想。个当中,就包括废除天主教特权;解放犹太人;推广德文打压各地本身语言;加强中央集权等典型法式专制法术。弗过,因为哈布斯堡个领土内部本身共同体邪气复杂,昰眼搞法无何用场,反过来引发著交关矛盾。约瑟夫二世执行弗力,心浮气躁。在末脚得病死脱,悲惨收场。

对外活动[编辑]

在担当神圣罗马帝国皇帝个辰光,约瑟夫二世就欢喜搞花样经,彰显哈布斯堡立在欧洲个声望。因为昰个辰光法国财政危机,普鲁士元气大伤。所以渠立在1770年代算是闹猛人物。对东面,为著遏制俄罗斯帝国,威胁要搭奥斯曼帝国结盟,结果立在废脱哉二世个调停下,搭俄罗斯女皇叶卡捷琳娜二世一淘,参与第一趟瓜分波兰个分赃行动,只做法也违背本身哈布斯堡一贯维持波兰地位个立场。

约瑟夫亲政之后,对外动手动脚越加频繁,到1786年,渠望国内形势弗灵光,就准备通过对外搞战争,转移矛盾,还好为自家树立威名。渠该趟挑选个对象像煞七八十年前就畀哈布斯堡个欲根亲王击破个奥斯曼帝国。同时搭俄罗斯帝国结盟,让约瑟夫二世觉著拿到胜利是十拿九稳。弗曾想,因为渠搞出来个交关花头弄巧成拙,奥地利军队战斗力邪气蹩脚,竟然酿成自家人相互消息弗灵通个自相残杀。外加瘟疫肆虐,奥地利军队无取胜可能。约瑟夫皇帝在前线气上心头,过著重病。1789年法国大革命暴法辰光,渠灰溜溜回转维也纳,第二年病重,死脱哉。渠个阿弟莱奥波多二世即位,豪慅搭土耳其议和,放弃著原本获得个贝尔格莱德等领土。昰然,也让本身盼望哈布斯堡解放自家个塞尔维亚人心怀怨恨,加上后首爆发个俄土战争当中俄国人个大胜,让塞尔维亚立在19世纪开始慢慢导向俄罗斯,埋落著之后一战爆发个伏笔。

关联人物[编辑]

  • 废脱哉二世: 普鲁士国王,军国主义名人,也是约瑟夫二世一直崇拜个高人。因为昰个关系,在约瑟夫二世辰光,普鲁士搭奥地利一直相安无事,奥地利也无任何企图收回畀普鲁士攻占个西里西亚