欲根亲王

来自维基百科
蹦到: 导航搜寻
Eugenio de Saboya-Carignano.

欲根亲王(法文:Eugène de Savoie,德文:Prinz Eugen von Savoyen),是17世纪晏末阶段到17世纪早期,奥地利哈布斯堡家族麾下个一员猛将。伊从血统上讲起来,是萨伏伊家族个成员。弗过老早就开始为奥地利服务。立在17世纪末对奥斯曼帝国个战争中崭露头角,之后,立在西班牙王位继承战争当中大放异彩,搭英国猛将约翰丘吉尔一道,畀公认为当时欧洲超一流个战将,多趟大破欧洲第一强国法兰西王国个雄兵。让太阳王路易十四邪气头疼。立在18世纪二十年代,欲根亲王成为奥地利个最高统帅,策划对奥斯曼帝国个进一步战争。伊连战连捷,让奥斯曼帝国节节败退。为此,哈布斯堡家族褒奖伊卓越贡献,立在京城维也纳赐造美景宫欲根冬宅。乃朝已经成为奥地利远近闻名个旅游景点。