笑傲江湖

吴语维基百科,自由个百科全书
跳到导航 跳到搜索

笑傲江湖》是一部金庸写个武侠小说,顶早是勒新加坡《新明日报》刊登个连载[1],后来是勒1967年4月20号到1969年10月12号连载登勒《明报》上,最后收集成书出版。书个后记讲「写《笑傲江湖》的那几年,中共文化大革命如火如荼,当权派和造反派为了争权夺利,人性的卑污集中显现……这部小说并非有意的影射文革,而是通过书中一些人物,企图刻画中国三千多年来政治生活中的若干普通现象。影射性的小说并无多大意义,政治情况很快就会有所改变,只有刻画人性才有较长期的价值。」金庸还表示:「《笑傲江湖》是想表达一种冲淡、不太注重争权夺利个人生观,对权力斗争有点厌恶的想法。中国自古以来个知识分子士大夫大都有这种想法,结果多数未必做得到。大家努力考试做官,想升官发财,但作诗写文章时总会表达一种冲淡的意境,说要做隐士。这也是中国文化传统的一种。要放弃名利权力是很难的事,《笑傲江湖》表达这种传统思想。」[2]

故事个背景及场合[编辑]

相对于作者其他作品来讲,《笑傲江湖》本来呒没写出明确对应个历史背景,也就是讲跟现实个历史关联极少(但书里个名词表明辰光是勒明朝或之后)。作者勒后记里说明:“因为想写的是一些普遍性格,是生活中的常见现象,所以个本书呒没历史背景,这表示,类似的情景可以发生在任何朝代”﹝但后来个鹿鼎记里倒提到个本书里个令狐冲是明朝人﹞。不过跟作者另外一部作品侠客行一样,现在大家已经基本认为书里写个时代是明朝某时期。

小说里个男主角令狐冲出身勒五岳剑派之一个华山派,伊个师父是「君子剑」岳不群。当时少林武当五岳剑派个牌个「名门正派」特之「魔教」日月神教之间个斗争激烈得勿得了,各派规定个门户之别规矩牢严格。令狐冲自家跑到江湖上,认得了田伯光、桃谷六仙、不戒和尚等人物,并且勒勿晓得个情况下跟日月神教圣姑任盈盈相识又谈恋爱,结果被伊师父误解,拿伊赶出本门。

但武林当中「正」、「邪」之间个个牌斗争,实际上勿是像表面上能加黑白分明。令狐冲跟任盈盈情投意合,两家头手携手走江湖。伊拉逐渐发现「正派」里个人左冷禅余沧海等个各种争权夺利个阴谋,以及劣迹恶行。由于机缘凑巧,令狐冲作了恒山派掌门,而且跟少林寺方证大师武当派冲虚道长两位「正派」领袖达成默契,一道来合力抑制左冷禅个野心,以追求武林个太平。而岳不羣偷练辟邪剑法,打败了左冷禅,成为五岳剑派个领袖。林平之却为了复仇,杀了岳灵珊并将青城派灭门。

令狐冲虽然帮任我行夺回了日月神教教主个位子,却看清爽了任氏野心,伊勿想助纣为虐;还好任我行突然暴毙死脱,江湖上大家额骨头高免脱一场腥风血雨。伊又终於让武林暂时恢复安宁。最后令狐冲跟任盈盈共谐连理,索性退出江湖,从此勿再过问世事。

故事简介[编辑]

书里故事围绕着抢夺一部武学至宝《辟邪剑谱》而展开。《辟邪剑谱》是勒福州经营福威镖局个林家个家传剑谱,老早之福威镖局创办人林远图是以辟邪剑法扬名武林,但福威镖局个第三代传人林震南是武功呒啥了勿起。四川青城派掌门余沧海就认为林震南练剑勿晓得其法,而想抢《辟邪剑谱》,结果伊拿福威镖局灭门,但还是寻勿着剑谱。血案里唯一幸存个是林家少爷林平之,伊被五岳剑派之一个华山派掌门岳不群所救,岳不群并收林平之作徒弟,教伊剑法。

而故事个主角令狐冲是岳不群个大徒弟,令狐冲本来是一个孤儿,生性无忧无虑,逍遥自在,人品正直,但顶欢喜吃酒。伊从采花大盗田伯光手上救走恒山派小尼姑仪琳,后来反而跟个只臭名远播个淫贼成为好朋友。同时衡山派刘正风宣布退出江湖,并到处邀请各方英雄出席伊个金盆洗手仪式。但事体发展到竟以血腥收埸,因五岳剑派盟主嵩山派掌门左冷禅及正派人士认为刘正风跟日月神教(被正派称为魔教)长老曲洋交往是对五岳剑派不利。最后刘正风受嵩山派胁迫,与曲洋一道勒重伤下后自尽身亡。两家头勒临死前拿合作编写个《笑傲江湖》琴谱箫谱交给令狐冲。

令狐冲本来跟岳不群个独养女儿岳灵珊是青梅竹马,但林平之拜入华山派门下后,令狐冲就一眼眼失去了小师妹岳灵珊个爱意。令狐冲因被指在衡山结交田伯光及曲洋等邪派人士,被岳不群罚勒后山个思过崖面壁思过一年,岳灵珊却在个一年对林平之发生了感情。令狐冲在崖上山洞里发现了魔教长老破解五岳剑派招式个石刻,后来又碰着华山派剑宗前辈风清扬。令狐冲勿但从中学会了五岳剑派个剑招,还不自觉地学到了魔教长老个招式,还得到风清扬传授了石破天惊个「独孤九剑」。

自称名门正派个五岳剑派,表面上是同气连枝个一只联盟,剑派之间却各打自家个算盘。嵩山派掌门左冷禅虽然已经做到五岳剑派盟主,但还有野心要吞并其他四派。伊暗中协助华山派剑宗高手,让伊拉上华山去挑战作为气宗门人个掌门岳不群,令狐冲虽然用新学会个「独孤九剑」打败了剑宗门人及嵩山派个突然袭击,解救了个只危机,但自家也身受重伤。而且因为要履行对风清扬个保证,令狐冲勿肯对岳不群透露伊剑法进步加许多个原因,弄得岳不群对令狐冲起了疑心。再加上跟令狐冲蛮要好个六师弟陆大友被杀、华山派武功秘籍《紫霞秘籍》失踪等事体,华山派里所有人都对令狐冲有怀疑。

桃谷六仙跟不戒和尚想医好令狐冲个伤势,可是各人坚持要用自家个方法,结果不仅医勿好令狐冲,还拿八道真气灌积在令狐冲身体里,泄勿出去,弄得来令狐冲内力全部丧失,生命危在旦夕。岳不群为了逃避嵩山派个袭击,带了华山派众弟子跑到洛阳,并去拜见林平之勒洛阳个外公金刀门掌门王元霸。令狐冲倒勒洛阳认得了勒当地隐居个日月神教圣姑,前任日月神教教主任我行之女任盈盈,但令狐冲当任盈盈是老女人,勿晓得伊是漂亮小姑娘,任盈盈倒对令狐冲动了感情。华山派个批人离开洛阳后沿黄河东下个辰光,不断有来历不明个江湖人士为令狐冲治病,包括神医「杀人名医」平一指。实际上全部是任盈盈暗中安排,这弄得岳不群不满令狐冲一再结交妖邪中人物,对伊日渐疏离,最后勒五霸岗上离伊而去。令狐冲在五霸冈又碰着平一指,但平一指表示令狐冲因被多人瞎医过,病情恶化到了呒没办法再医好,平一指勿想出现自家医勿好而病人死脱个情况。之后令狐冲又再碰着任盈盈,发现伊原来是妙龄少女,之后令狐冲帮任盈盈打退正派人士后晕倒,被任盈盈带到少林寺求方丈方证大师以「易筋经」医治。方证答应传授令狐冲易筋经,但条件是要令狐冲改做少林派个弟子。当令狐冲表示自己是华山派弟子,而勿肯改投别派个辰光,方证大师告诉伊,岳不群已经宣布了拿伊开除出华山派。

令狐冲意识到伊今后将不容于正派人士而感到绝望,但还是勿肯为得到医治而改投少林,而且就离开了少林寺。接下来伊碰着正受到正邪各路人马一同围攻个向问天,令狐冲帮助向问天脱险,二家头还结拜为兄弟。向问天晓得令狐冲身体状况及看见过伊个厉害剑法后,勒令狐冲勿晓得个情况下,带伊来到杭州梅庄,利用伊来营救日月神教个前教主任我行。十二年前,任我行个教主位子是被其下属,即现任教主东方不败抢去,之后被东方不败关勒杭州梅庄西湖底下个牢房里。向问天利用梅庄四友爱好琴棋书画个弱点,成功促使伊拉安排令狐冲进入牢房特之任我行比剑。任我行在比剑个辰光用内力将各人震晕,向问天再拿令狐冲锁勒原来个牢房中成为伊个替身,用以掩人耳目。后来令狐冲发现了任我行刻在铁床上个「吸星大法」,并且在不在意个情况下学会了,结果令狐冲个毛病也就此医好了,内力更大大增强。一个月后,任我行回来救出令狐冲,又想拿伊跟任盈盈个婚事来打动令狐冲,希望伊加入日月神教,但令狐冲勿肯。

令狐冲跟任我行及向问天分了手,伊离开杭州后朝南到福建去,勒路上遇见南下福州去保护《辟邪剑谱》个一群恒山派女尼,伊就化装成一个将军暗中保护伊拉,并解救了好几趟假扮日月神教教徒个嵩山派门人对恒山派个袭击,后来带领恒山派女尼南下个定静师太被嵩山派门人围攻而死,临终前晓得令狐冲身份,就托令狐冲护送恒山派弟子到福州去。令狐冲到了福州后,发现岳不群夫妇、林平之及岳灵珊一批华山派门人亦勒福州,原来伊拉是勒帮林平之寻找辟邪剑谱。后来令狐冲勒林家个老房子里发现有两名高手制伏了林平之及岳灵珊,想盗取剑谱,令狐冲打倒个两个人后夺回了剑谱,想回给林平之,但因受伤晕倒。醒过来后令狐冲发现剑谱不见特了,反而被岳不群及林平之指责伊将剑谱私吞,只有恒山派众女尼却相信令狐冲是清白个。当华山恒山两派弟子为令狐冲出现冲突时,大家意外发现失踪了交关辰光个《紫霞秘籍》原来勒华山派弟子劳德诺身上,劳德诺东窗事发后留下《紫霞秘籍》逃走。

令狐冲离开华山派弟子后,护送恒山派弟子返回恒山,路上碰见衡山派掌门莫大,才知任盈盈当日为救令狐冲,以自己囚禁在少林寺为条件,换取少林派传授令狐冲易筋经,莫大更告诉江湖人士聚集了上千人打算围攻少林寺救出任盈盈。令狐冲将恒山派弟子交托莫大后,寻到要围攻少林个群雄,成为领袖。在令狐冲个领导下,大家先到了武当山下,伊用独孤九剑打败武当掌门冲虚道长,当群雄来到少林寺发现寺里一个人也呒没,但发现恒山派掌门定闲师太已经被神秘杀害勒少林寺里,定闲师太勒死前要求令狐冲接掌恒山派,令狐冲就个能加成为恒山派个帮女尼个掌门。令狐冲发现正派在少林寺设了空城计拿伊跟群雄困勒寺里,后来群雄发现寺里个秘道而离开少林。令狐冲又一家头返回少林去寻任盈盈,结果看见任我行、向问天及任盈盈跟一批正派掌门勒少林。任我行要带走任盈盈,就决定跟正派高手进行三场对决,第一场任我行用计策打败少林方丈方证,但第二场输给了左冷禅个「寒冰真气」,最后任我行邀请令狐冲跟冲虚道长进行第三场对决,冲虚表示伊以前勒武当山下已输给令狐冲,但岳不群倒主动要跟令狐冲进行第三场对决,而且勒对打个辰光以-{「}-冲灵剑法-{」}-暗示伊会得拿岳灵珊许配给令狐冲,而想引令狐冲认输,结果反而使令狐冲勒心神恍惚之下以独孤九剑打败岳不群,任盈盈就被允许离开了。当大家为任我行排除寒冰真气后,任我行又劝令狐冲加入日月神教,令狐冲还是拒绝。

令狐冲到恒山去做掌门个当天,左冷禅派人阻止而勿成功后,宣布召开大会,想硬劲拿五岳剑派合并成单一个五岳派,自家好做五岳派个领袖。同日,少林方丈方证及武当掌门冲虚亲临恒山来恭喜令狐冲,接下来向令狐冲讲了华山剑气两宗之争及《辟邪剑谱》个源由,皆是跟一部叫《葵花宝典》个武功秘籍有关,伊拉更劝令狐冲为大家出头来阻止左冷禅吞并五岳剑派个阴谋。

令狐冲协助任我行打败了东方不败,任我行就重新成为日月神教教主。而五岳剑派合并大会勒嵩山封禅台召开,当中泰山派内哄,衡山派屈服,令狐冲本来想联合岳不群对抗左冷禅,来反对五派合并,但想勿到岳不群最后却支持合并,并派出女儿岳灵珊施出华山思过崖上魔教十长老破解五岳剑派招式个武功,将五岳剑派个高手一个个打败。最后岳不群用「辟邪剑法」拿左冷禅打败,还刺瞎脱左冷禅两只眼睛,自家做了五岳派个掌门。

令狐冲勒个场并派大会当中也被岳灵珊刺伤,当伊带伤特之任盈盈及其他恒山派弟子离开嵩山个路上,亲眼看到林平之为了特屋里厢个人报仇,拿青城派众人包括掌门余沧海残酷地杀害,但伊勒杀另外一个仇人木高峰个辰光,两只眼睛被木高峰背上驼峰个毒水弄瞎。令狐冲与特之任盈盈后来偷听到林平之跟已跟伊结了婚个岳灵珊个对话,才晓得自己一向尊敬个师父岳不群竟然是个伪君子,一直勒想跟做谋夺林家个《辟邪剑谱》个事体,包括收林平之为徒弟,安排女儿岳灵珊与跟林平之嘎朋友,还勒夺到《辟邪剑谱》后诬陷令狐冲,并且要想杀特林平之,林平之为了自保,才娶岳灵珊做老婆,而且恒山派掌门个定闲师太也是死于岳不群个「辟邪剑法」朗厢。后来林平之意外取拿回剑谱后,也是像岳不群一样修练「辟邪剑法」。而修练「辟邪剑法」个关键,是要首先引刀自宫,岳不群与林平之此时已成为阉人,林平之特岳灵珊只有夫妻之名而呒没夫妻关系。再后来劳德诺出现,表示伊本来是嵩山派弟子,是左冷禅安排伊投入华山派门下,为个是刺探华山派情报,但勿晓得岳不群将计就计,故意让劳德诺偷到假个《辟邪剑谱》交给左冷禅,使得左冷禅勒争夺五岳派掌门时输给岳不群。劳德诺也邀请了林平之投靠左冷禅,林平之为了表对左冷禅个忠诚,还杀害了岳灵珊。当令狐冲晓得岳灵珊死特,伤心得要死。

后手来岳不群碰到令狐冲及任盈盈,令狐冲用「独孤九剑」跟岳不羣个「辟邪剑法」打,令狐冲面对如鬼如魅个「辟邪剑法」一度处于下风,最后令狐冲看到「辟邪剑法」剑招里个破绽打败岳不群,但岳不群被打败后,竟然向已经放了伊生路个令狐冲偷袭,最后自家掼进日月神教弟子设下个陷阱被捉。岳不群个妻子宁中勒旁边亲眼看到丈夫个所作所为,难过得勒令狐冲面前自杀身亡。令狐冲想到跟岳不群个师徒恩情,放了过岳不群,但任盈盈却强迫岳不群吃下去了日月神教控制信徒个药物「三尸脑神丹」。

书个最后个高潮是岳不群用计策拿五岳剑派高手全部骗进华山思过崖个山洞里,大家因为看到洞壁上个武功招式,不同门派之间互相猜忌起来,而已瞎了眼个左冷禅及林平之,带了一帮被令狐冲刺瞎特眼睛个嵩山派弟子,利用山洞里漆黑个环境袭击洞里五岳剑派个门人,杀特伊拉交关人,最后袭击令狐冲和任盈盈个辰光,左冷禅勒洞里被令狐冲所杀。而岳不群倒勒洞口用网捉到刚出洞令狐冲及任盈盈,伊勒打算杀死两人个辰光,被仪琳从背后用剑刺死。任我行沉醉勒权力当中,打算以武力征服已经四分五裂、人才凋零个五岳剑派,又再迫令狐冲加入日月神教。但在这紧要关头,不可一世个任我行突然暴毙。

那么任盈盈接掌了日月神教,并与正派建立互信。三年后,任盈盈拿教主个位子传给向问天后,跟令狐冲勒杭州西湖梅庄成亲。结婚后个对夫妻淡泊权势,两家头决定退隐,就笑傲江湖去了。


参考文献[编辑]

  1. 金庸馆今开幕 展《笑傲江湖》手稿,星岛日报,2017-03-01
  2. 金庸答北大同学问. 澎湃新闻网 (2015-02-06).