竺法蓝

吴语维基百科,自由个百科全书
跳到导航 跳到搜索

竺法蓝(名字是从梵文个意思及发音并起来翻译个,梵文音译个英文写法是Dharmaratna)个出生特之逝世年份已经呒没人晓得了,伊大約活到之六十多岁。伊是中天竺(也就是中印度人。

生平[编辑]

竺法蓝勒伊少年辰光开始就老聪明机智,智慧特之理解力特别强。伊个学问淵博,照伊自家讲法伊背得出加起来有一百多万字个几万章个经书和论著。伊对佛教个教义全部都晓得,而且对禅学、戒律都研究得交关深。伊有得一千多学生徒弟。[1]个位法師对住个地方是否好或者适意一点勿讲究,心里只想着弘法利生的大愿,勒行持戒律浪厢相当严谨。

弘法经历[编辑]

来勒汉朝个东汉明帝个永平十年(公元六十七年)个辰光,由于一天夜里厢明帝做梦碰着金人,伊就派了蔡愔等人到天竺去,结果伊拉勒路上碰着之迦叶摩腾跟竺法蘭,就邀请伊拉两家头跟之个批人马一道回中国,内么佛教就勒中国开始传播了。

竺法蓝个汉语是交关来三个,个辰光伊特之摩腾一道翻译[[《四十二章经》]],个就是中国拿佛经从梵文翻译到汉文个开始。据说竺法蓝翻译了五部佛经:《佛本行经》(五卷)、《十地断结经》(四卷)、《法海藏经》(三卷)、《佛本生经》(二卷)、《二百六十戒合异》(二卷)。但个些经书大部分已经寻勿着了,只剩下来一部《四十二章经》还可以读得到[2]

注釋[编辑]

  1. 《古今译经图记》个第一卷里厢讲到:「沙门竺法蓝,中印度人。少而机悟,淹雅博爱,多通禅思、毘尼莫不穷妙。誦經诵经百余万言,学徒千余。居不求安,常怀弘利。戒軌严峻,众莫能窺。
  2. 按照《高僧传》上个讲法,竺法蓝译出来个五部经是:《佛本行经》、《十地断结经》、《法海藏经》、《佛本生经》、《四十二章经》。

参考文献[编辑]

  1. 梁,慧皎撰,《高僧传》
  2. 隋,费长房撰,《历代三宝记》
  3. 唐,宗密撰,《圆觉经略疏钞》
  4. 唐,靖迈撰,《古今译经图记》

相關連結[编辑]

佛光大辭典