迦叶摩腾

出自维基百科,自由个百科全书

简介[编辑]

迦叶摩腾,又叫做竺攝摩腾、攝摩腾,伊生勒古代个中天竺國(也就是中印度),是婆罗门个人种[1]

生平[编辑]

迦叶摩腾曾经来勒印度各地到处游化,伊对大乘小乘个经典统统晓得又精通。有趟之伊勒印度邊朗厢个一只小國家讲《金光明经》,正好碰着当时有个邻国出兵来侵犯个只小國家,伊就引用经文特国君讲叫伊放心:「能说此经法,为地神所护,使所居安乐。」伊自家还不顾危险,跑到敌对国去劝和,结果使得遂令个两只國家不但没打仗,反而变得友好起来。从此以后,伊个名气就大得来吓人,到处人家都晓得。[2]

来勒汉朝東汉明帝个永平七年,明帝勒一天夜里做梦碰着一位金人,飞到皇宮里厢来。伊就勒第二天召集群臣,问问伊拉个桩事体表示啥意思,臣子中有个智慧交关大个人,叫做傅毅,出来特皇帝详细解释,让皇帝晓得有「佛」。 [3]内么朝廷派了蔡愔、秦景还有别人到天竺去寻,结果勒路上正好碰着迦叶摩腾,伊拉就邀请伊一道回到汉朝个地方来。个是「汉地有沙门」格开始,历史上认为个是佛教传到东方来格起源。 [4]

虽然汉明帝对法师交关欣赏,还造之精舍让伊住。但是佛教到东方來的开始辰光,信奉的人毕竟有限,根据《高僧传》上讲,当时个情况是「大法初传,未有归信。故蕴其深解,无所宣述。」后来勒公元七十三年,法師勒洛陽圆寂。 [5]

《破邪论》记载了佛教特之道教的一趟辩论。時間是永平十四年正月初一。由五岳各山道士褚善信等六百九十个人,冒死向朝廷上谏,伊拉讲皇帝捨「棄道法,远求胡教」。结果大家同意勒正月十五比一比,道士顿勒东坛,拿道教里厢一共二十七家个诸子经書二百三十五卷,摆勒供坛个当中,再拿供品特食物,奠祀百神。另一方面,是由明帝勒白马寺南门外道西,设立七宝行殿,供佛舍利及经、像。當時双方同时放火燒经,结果是只有道教个全部经书,统统被火烧成灰。当时个圣迹,就感化之交关个人因而皈依佛门[6]

《破邪论》还记载摩腾法师已经证到了阿罗汉果,具备神通变化,个种不可思议个本事,对当时个大众产生了攝受教化的效果。 [7]

译经[编辑]

迦叶摩腾到东方来个辰光,还有竺法蓝跟伊一道。[8]伊拉是勒永平十年(公元67年),帶好之佛经及佛教图像,到洛阳个。[9] 当时,汉明帝来勒城西的雍门外头,建起了一座寺,供两位法师顿勒里厢居住、译经。为了彰显一匹白马驮经个功劳,个座寺被命名為「白马寺」。[10] 伊拉译出个第一部经典就是《四十二章经》,是汉传佛教译经个开始。

參考文獻[编辑]

  1. 《历代三宝记·卷4》
  2. 《高僧传·卷1》:「摩腾,本中天竺人。善风仪,解大小乘经,常遊化为任。昔经往天竺附庸小国讲金光明經,会敌国侵境。腾惟曰:经云能说此经經法,为地神所护,使所居安乐。今锋镝方始,曾是为益乎?乃誓以忘身,躬往和劝,遂二国交欢,由是显达。」
  3. 事见《高僧传》、《历代三宝记》、《四十二章经》等。「明皇帝夜梦金人飞空而至,乃大集群臣,以占所梦。通人傅毅奉答:臣闻西域有神,其名曰佛,陛下所梦将必是乎。」(《高僧传》)、「昔汉孝明皇帝夜梦見神人,身体有金色,项有日光,飞在殿前,意中欣然,甚悅之。明日问群臣:『此为何神也?』有通人傅毅曰:『臣闻天竺有得道者,号曰佛,轻举能飞,殆将其神也。』於是上悟。(内么皇帝就晓得了。)(《四十二章经•序》)
  4. 《高僧传·卷1》:「帝以为然,即遣郎中蔡愔、博士弟子秦景等,使往天竺寻訪佛法。愔等於彼遇見摩腾,乃要还汉地。」、《四十二章经•序》:「即遣使者张騫、羽林中郎将秦景博士弟子王遵等十二人,至大月支国寫取佛经四十二章。」编者按:遣使人数有十四、十二之说不一。尤其是张騫早已逝世,《四十二章经》之說,应有误。(编者勒此地指出四十二章经个讲法勿大对,因为张騫是以前朝代个人,老早就死脱了。)
  5. 《后汉书·卷四十二》
  6. 《破邪论·卷1》:「道士等見火焚经,心大惊怖。先時升天者不復能升、先時隐者不復能隐、先時入火者不復能入、先善禁呪者呼策不应、先有种种功能者无一可验。諸道士等,大生慚愧。尔時太傅张衍语褚信曰:『卿今所试无验,即是虛妄,宜就西域真法。』褚信不答。南岳道士费叔才在众自憾而死。時佛舍利光明五色、直上空中,旋环如盖,遍覆大众,映蔽日轮。」
  7. 《破邪论·卷1》:「以慈善力,涌身高飞,行臥空中,神化自在,还坐本处,怡然而住。于時天雨宝花,在於佛殿及众僧上、又闻天中诸乐之音。感动人情,大众观悅,叹未曾有!」
  8. 《高僧传·卷1》:「蓝与摩腾共契遊化。遂相随而来。」
  9. 《历代三宝记·卷2》
  10. 《高僧传·卷1》:「明帝甚加赏接,於城西門外立精舍以处之。」、《历代三宝记·卷4》:「载以白马还达雒阳,因起伽蓝名白马寺。」