穀神星

出自维基百科,自由个百科全书

穀神星(符号:⚳, 英語拉丁語:Ceres)[1],正式名字是第1號小行星穀神星(1 Ceres),是勒太陽系裏向曉得個頂大個小行星,還是唯一勒垃主帶個一隻矮行星。俚勒1801年1月1號畀意大利天文學家朱塞普·皮亞齊發現[2],有半世紀長個辰光畀叫成功第8隻行星。俚個名字來源是刻瑞斯,是管植物生長、收穫搭慈愛個羅馬神

穀神星直徑查弗多950公里(590英里),是小行星帶裏向曉得個頂大、頂重個天體,質量佔小行星帶總質量個三分之一(32%)。[3]最近個觀測顯示俚外表像隻球,搭其他小點外加重力低點形狀弗規則個小行星弗一樣。穀神星個表面可能是各種水冰搭水合礦物(譬方碳酸鹽岩搭黏土等)個混合物[4]。穀神星也出現仔分化,有岩石化個核心搭以為主的地幔[5],表面作興有勒液態水海洋下頭形成個海灣[6][7]

從地球看穀神星,俚個視星等勒6.7到9.3當中變化,該個亮度忒暗哉,直接用眼睛看弗見[8]。勒2007年9月27號,NASA發射仔黎明號太空船去探測竈神星(2011年7月抵達)搭穀神星(2015年3月抵達)[9]

參考[编辑]

  1. JPL/NASA (2015-04-22). What is a Dwarf Planet?.
  2. Hoskin, Michael (1992-06-26). Bodes' Law and the Discovery of Ceres. Observatorio Astronomico di Palermo "Giuseppe S. Vaiana".
  3. Pitjeva, E. V.; Precise determination of the motion of planets and some astronomical constants from modern observations, in Kurtz, D. W. (Ed.), Proceedings of IAU Colloquium No. 196: Transits of Venus: New Views of the Solar System and Galaxy, 2004
  4. Rivkin, A. S.; Volquardsen, E. L.; Clark, B. E. The surface composition of Ceres:Discovery of carbonates and iron-rich clays (PDF). Icarus. 2006, 185: 563–567. doi:10.1016/j.icarus.2006.08.022. 
  5. Thomas, P. C.; Parker, J. Wm.; McFadden, L. A.; et al.. Differentiation of the asteroid Ceres as revealed by its shape. Nature. 2005, 437 (7056): 224–226. PMID 16148926. doi:10.1038/nature03938. 
  6. McCord, Thomas B. Ceres: Evolution and current state. Journal of Geophysical Research. 2005, 110: E05009. doi:10.1029/2004JE002244. 
  7. Castillo-Rogez, J. C.; McCord, T. B.; and Davis, A. G. Ceres: evolution and present state (PDF). Lunar and Planetary Science. 2007,. XXXVIII: 2006–2007. 
  8. Menzel, Donald H.; and Pasachoff, Jay M.(1983).A Field Guide to the Stars and Planets,2nd,Boston, MA:Houghton Mifflin.ISBN 0395348358 
  9. Russel, C. T.; Capaccioni, F.; Coradini, A.; et al.. Dawn Discovery mission to Vesta and Ceres: Present status. Advances in Space Research. 2006, 38: 2043–2048. doi:10.1016/j.asr.2004.12.041.