冰
冰，就是冻结成固态个水。取决于冰里向个杂质（譬方土壤或气泡颗粒），冰可以是透明个，或者带眼弗透明个蓝白色。
太阳系里冰个含量邪气丰富。来拉地球表面也存量极大，尤其是来拉极地搭雪线以上地区。外加作为地表沉淀物搭沉积物个常见形式，冰来拉地球水循环搭气候上起著关键作用。伊好以雪花、冰雹、霜、冰锥或冰柱等形式出现。
冰分子好以温度搭压力，表现出高达十六种弗同形态（分子堆叠形状）。当水迅速冷却后，根据伊经过个压力搭温度，好生成三种弗同形态个“冰”。从冰变成水个过程称为冰烊脱，而从冰直接变成水蒸个过程则称为升华。冰也好通过水蒸汽直接沉积（凝华），譬方霜。
常常看到个冰因为带有小气泡，入射光线会得来拉冰-气界面上反射，个咾呈现白颜色。而雪花积压形成个冰川就呒啥气泡了，水分子个氢氧键(O-H)振动让光谱上偏红个部分侪吸收脱了，个咾呈现蓝颜色。
冰是全球气候个关键组成部分之一，尤其拉水循环个部分起着重要个作用。冰川搭积雪是淡水个重要储存机制; 随着辰光个推移，伊拉可以升华或烊脱，并重新变成淡水加入循环。