祭灶节

祭灶节是汉字文化圈个传统节日，貤叫送灶、祭灶、灶王节咾啥个，来勒弗同个地方日脚弗一样，来勒吴越地区是农历腊月廿四当天。

习俗

来勒中国神话搭仔道教當中，灶王爷、太岁同民间个神将会得来勒农历腊月廿四个子时到日落之前，跑到天庭去向玉皇大帝述职，禀报一年行政个事体。大家相信灶王爷会得监督考察每一家人家一年个所作所为，玉帝会得根据伊个讲法决定下一年对箇隻家庭是赐福啊是降祸，故咾会得祭灶，表示欢送灶王爷。祭灶个辰光会得喫湯糰、年糕，再抹勒灶王爷个画像个嘴巴丄，让伊上去述职个辰光嘴巴甜一点，讲唻好一点。

经过一年个烟熏火燎，灶王爷个画像黑黢黢个，要拿旧画像揭下来祭拜以後同纸钿一道化脱，新年以後再拿出幅新个画像或神位，贴勒丄奉祀。