百济
百济（前18年－660年）（又畀叫做南扶余）是上古后期到中古早期，勒朝鲜半岛西南面建立个一个王权势力。
历史[编辑]
百济个个王族，完全来自东北亚个扶余人。传说公元前18年，高句丽太祖朱蒙个儿子温祚与沸流带领一批高句丽人，南下到汉江盆地。
高句丽人到达半岛南部，成为征服者，构成当地个社会上层，而原住民马韩只好成为迭个百济个下层。三国史记当中写到，百济君王交关趟讲自家来自朱蒙，而且百济王室，侪用扶余作为自家个姓，甚至一度改国号为南扶余。
高句丽故国原王南侵后，百济搭高句丽决裂，相互攻击，532年新罗兼并特伽倻后，来勒朝鲜半岛上头百济搭高句丽，新罗三足鼎立，箇段辰光被历史学家称为朝鲜个三国时代。
660年，唐同新罗联合，对百济发动攻击。 百济首都泗沘畀攻克。百济畀新罗吞并。百济王族畀抓到唐帝国个洛阳，同年，百济王死脱，葬勒邙山孙皓、陈叔宝的陵墓旁边。
一批百济贵族逃往日本，想联络大和朝廷，重建百济，得到大和朝廷支持，但勒663年“白江口之战”当中畀击败，之后百济贵族定居日本，逐步同日本上层融合。
地理范围[编辑]
大多数朝鲜三国个地图，侪拿百济个疆土包括乃朝韩国个忠清道搭全罗道。这也百济熊津时期泗沘时期个核心地域。
同日本大和朝廷个关系[编辑]
百济搭日本，关系一直邪气好，东亚大陆个文化，包括：汉字、佛教、制陶技术、建筑技术等，侪是通过百济传入日本。同时，百济得到日本个物资搭军事援助，并获得日本支持，对抗新罗。
交关百济王族搭贵族成员，同日本皇族通婚，日本天皇自家也承认，祖先当中有百济个血脉。