漆咸道
漆咸道是香港尖沙咀里个一条路，英文是：Chatham Road。
伊拨分成漆咸道南搭仔漆咸道北两段。漆咸道最初只有大包米到红磡一段，即该道个南段，后尾就拉长到去土瓜湾。新加个地段地理位置比较北，箇咾叫漆咸道北，而本来搿段就顺理成章拨改名做漆咸道南。漆咸道个顶顶头一段勒1888年落成，当时叫做德辅道，1890年改名漆咸道。德辅道个名就拨香港岛北部当时新起好个德辅道，拨用到乃兴。
漆咸道南由尖沙咀梳士巴利道近新世界中心开始，去到红磡康庄道搭仔漆咸道个交界。一般来讲香港人将漆咸道南看做尖沙咀搭仔尖沙咀东个分水岭。香港理工大学、香港科学馆、香港历史博物馆同枪会山侪勒到搿条路个沿线。
漆咸道北由漆咸道南同康庄道交界行去土瓜湾马头围道，勒渠里接上东九龙走廊北行。漆咸道北同东九龙走廊侪是香港五大干线个成员。
