海门山歌

海门山歌，吴歌个一种，流行于海门等沙地地区，是海门个地方剧种。

历史

• 清代中期，江南朝现在个海门地区大量移民，搿星移民就把吴歌传进沙地地区。经过海门等地方个老百姓世代口头传唱，弗断修饰创造，逐点逐点发展成功海门山歌。
• 民国24年（1935年），管剑阁、丁仲皋搜集海门山歌整理成功《江口情歌》，勒上海大夏大学校刊浪发表，随即编辑成专集。第二年，管剑阁搜集个长篇叙事山歌《红娘子》发表勒勒武汉《天地人》杂志。
• 1949年中国人民解放军解放之后，当地业余文艺演出非常活跃，发展了丰富多彩个新山歌，反映了当时老百姓个现实生活，歌颂劳动搭爱情，抨击各种弗合理个现象。
• 1954年，海门山歌正式搬上舞台。
• 20世纪50-60年代，有一支业余演出队（陆行白等人）以叙事山歌《摇船郎》为基础，整理创作第一个海门山歌小戏《淘米记》，受到当地人个好评。接下去搿个戏参加了南通地区搭江苏省个汇演。
• 1957年，《淘米记》又参加了全国民间音乐舞蹈汇演，演员受到周恩来、朱德等中央领导人个接见，并且合影留念。
• 1958年8月，海门县政府勒省、地两级政府支持下，正式成立专业个海门山歌剧团。从此之后，海门山歌剧作为一个新个剧种出现勒舞台浪。
• 80年代，交关山歌搭研究山歌个论文勒省级以上期刊发表。
• 1984年，海门山歌研究会成立。
• 1985年8月，海门县举办首届海门山歌会唱，50多名歌手演唱山歌40多首，《光明日报》、《新华日报》先后对此作了报道。
• 1986年7月，宋卫香演唱海门山歌《小阿姐看中摇船郎》，随南通民间艺术团进京演出。
• 1987年，《海门山歌选》由中国民间文艺出版社出版，收录海门山歌250多首。
• 1993年第二次进京演出《青龙角》，获得成功，同年年底参加江苏省第一届戏剧节，演出《青龙角》获多项奖项。
• 1995年，海门山歌《青龙角》进京演出。
• 2007年，海门山歌进入江苏省非物质文化遗产保护名录。
• 2007年8月19日到21日，中国.海门山歌节举行，标志着海门山歌文化发展进入一个新阶段。

• 2008年6月14日，海门山歌正式列入国家级“非物质文化遗产”

分类

海门山歌分两类： 一类是即兴山歌，大多勒田里做生活或者农闲辰光，随口编成，歌词有四句、六句、八句等，譬如《西北天乌云独脚撑》、《隔江看见野花红》、《东南风爽急悠悠》等。

第二类是叙事山歌，歌词有十多句、几十句，乃至几百句弗等，譬如讲《贩桃郎》、《摇船郎》、《绣花鞋》、《拔蒜苗》等。叙事山歌中个系列山歌，人物、情节互相连贯，又独立成篇，如《红娘子》等。海门山歌以反映男女爱情生活题材为多，如《小阿姐看中摇船郎》、《情郎山歌》等，有“呒郎呒姐弗成歌”个说法，有个山歌从反映农民生活个艰辛，表现农民对地主剥削个痛恨，如《望望日头望望天》、《长工苦》；还有把古人古事串成山歌，如《十字歌》等；有星山歌滑稽，纯属消遣，有星是调情戏弄。

特点

海门山歌剧曲调优美朴实，清新流畅，乡土气息浓重，有鲜明地方特色。海门山歌剧常用曲调60多首，其中以“山歌调”、“对花调”为基本调，以羽、徵调式两种声腔形成对比；由板腔，联曲两种板式结构组织而成。已有板式：“山歌调”慢板、中板、清板、流水板、联板、紧板、叠板、快拉慢唱等九种板式，“对花调”慢板、中板、清板、宽板、云水板、简板等六种板式。并吸收交关小调搭说唱音乐。有个用来抒情，有个用来叙事。如“月月节”，搿首曲调感情充沛，意境深远，用来载歌载舞最为合适；《小郎依儿来》活跃有弹性；“香袋调”旋律优美，容易上口；“佛祈调”非常灵活，弗受唱词字数限制，可长可短，可紧可松，可以表达愉快个心情；“打樱桃调”、“五更鼓儿调”擅长男女对歌、抒发爱情；另外有“牌经调”“采仙桃调”等油腔滑调，适合反面人物表演。

山歌剧个声腔，侪是五声音阶，有个加进“清角”、“变徵”、“变宫”音；旋法特点除级进，最有特色四度、五度、小六度、小七度个跳进，加25、36、63、31、65等，由于羽音勒调式里向非常突出，使得海门山歌剧音乐唱腔形成独特风格；其润腔方法紧密结合衬词个运用，如：“嗨、唷、呀、啊、洛”等，使得海门山歌富有色彩。

曲牌中，海门锣鼓蛮有特色，但是只能搭曲牌或曲子中同时使用。至于常用锣鼓经，根据京剧锣鼓稍加改动因地而用。乐队编制是主奏乐器、基本乐器、色彩乐器。如主胡、笛子、琵琶为主奏组；以扬琴、大提琴、三弦、笙、中胡等为基本乐器；剩下来个是唢呐、小提琴、西洋木管、电子琴为乐彩乐器。主奏二胡音量搭音乐比较高亢清脆。

外部链接

海门山歌欣赏、下载、收听 档案，存勒互联网档案馆当中。（2007年2月19号）