海天鸿雪记

海天鸿雪记题“二春居士编，南亭亭长评”。作者二春居士个真实姓名有待考证，应该是浙江中部个人，曾经做过沪上寓公，迨中年丝竹，哀乐伤神，回首前尘，胜游如梦，于是追忆坠欢，用吴语写成之《海天鸿雪记》廿回，到清宣统元年已酉（1909），后来畀编为《续记》若干回。作评语者是南亭亭长也就是武进李伯元。或者以为二春居士也就是李伯元个别号。

箇本书最初是畀游戏报馆出版个，分回本，光绪廿五年（1899）六月廿一号出之第一期，过后每个月出六期，到廿回为止。到光绪三十年（1904），世界繁华报馆后出版个单行本，半叶十二行，行廿五字。正文前头有茂苑惜秋生序．又有释文三叶，专释书中吴音奇字搭吴语俗语。箇本书勒复旦大学图书馆藏本有著者墨笔搭来笔校字，又有庚戍（1910）七月横山旧主跋。跋文称：“海天鸿雪记四卷。二春居士著于壬寅（1902）之冬．其续记则己酉（1909）所编也”。就是讲箇本书廿回之后还有续记，可惜个是今朝也朆看见俚个传本。