海嘯

来自维基百科
(从海啸转戳到箇里)
蹦到: 导航搜寻
海嘯个成因

海嘯是一種具有強大破壞力个海浪。當地震發生垃海底,因震波个動力而引起海水劇烈个起伏,形成強大个波浪,向前推進,擔沿海地帶淹沒脫个災害,稱之爲海嘯。

詞源[编辑]

海嘯到達海岸
2004年12月26日海嘯席捲馬爾代夫个馬累

海嘯在交關西方語言當中稱爲“tsunami”,詞源自日語“津波”,即「港邊个波浪」(「津」即「」)。該個也顯示出日本是一個常莊遭受海嘯襲擊个國家。漢字又稱海溢。“tsunami”隻詞咾,在1963年个國際科學會議丄正式列入國際術語。目前,人類對地震火山、海嘯等突如其來个災變,衹能透過觀察、預測來預防或減少渠場所造成个損失,但還弗能阻止渠場个發生。

特性[编辑]

海嘯發生个辰光咾,會引發一種波長極長个重力波。假使發生垃近岸淺水海域,波浪因深度漸淺而波高驟增,可造成嚴重災害。此波於大洋中傳遞極快,每秒速度可超過二百公尺。在地震發生處个波動可能衹有得0.1公尺到5公尺个高度,波長卻可能是1500公里。隨著水波傳到岸邊波長會縮短到5公里,高度卻可達到50公尺。

原因[编辑]

海嘯到達海岸形成水牆

海嘯通常由震源在海底下500公里以內、里氏地震規模6.5以上个海底地震引起。海嘯波長海洋个最大深度還要大,在海底附近傳播也嘸沒受幾許大个阻滯,弗管海洋深度如何,儕可以傳播過去,海嘯在海洋个傳播速度大約是每小時五百到一千公里,而相鄰兩個浪頭个距離也可能遠達500到650公里,當海嘯波進入陸坡後,由於深度變淺,波高突然增大,渠个昰種波浪運動所卷起个海濤,波高可達幾十米,並形成功“水牆”。由地震引起个波動與海面上个海浪弗同,一般海浪衹在一定深度个水層波動,而地震所引起个水體波動是從海面到海底整個水層个起伏。

此外,海底火山爆發,土崩及人爲个水底核爆,或者是隕石撞擊儕會得造成海嘯,“水牆”可達百尺。而且隕石造成个海嘯在任何水域也有機會發生,弗板定在地震帶。不過隕石造成个海嘯可能千年纔會發生一趟。海嘯等自然災害儕會產生次聲波象鼻頭可以聽到次聲波,對遠處發生个火山地震儕會得有反應,比方咾2004年印度洋大地震產生个海嘯,由於象鼻頭聽到海嘯產生个次聲波,弗聽主人指揮,快速離開現場,乘坐象鼻頭个遊客纔得以生還。

海潮暴漲有可能是海嘯所引起,也可能是颱風所引起。近地海嘯所引起个海潮暴漲通常伴隨著地震,遠洋地震所引起个海嘯嚜弗會感受到地震動。而颱風所引起个海嘯咾伴隨強風。史籍丄若然提到大地震,之後海潮暴漲,噶嚜海嘯个可能性極大。卻情多數記載衹提到海潮暴漲,並無其他說明,是弗是地震海嘯咾有待進一步探討。噶咾擔史籍丄所述之海嘯或疑海嘯,以海嘯信度表示其發生之可能性。

2004年印度洋大地震引發个海嘯衝擊泰國喀比

當海嘯從較寬廣較深个海域傳到海岸个辰光,乃末會得變形。當海水傳到岸邊个辰光咾,因爲水深變淺,所以波浪个傳遞速度變慢。當前一波海浪个速度變慢後,後一波因爲速度未降追爻上來,所以變成波高變高。噶咾即便在深水區弗高个波浪,到了岸邊波高卻會增加交關。

當海嘯到達海岸个辰光,看來像透加速版个潮汐个起落。如果波高忒高咾波浪嚜會得碎脫,或是可以看到老高个水牆。不過海嘯一般蠻少在岸邊成爲像煞塔般老高个水牆,或是看到明顯个破浪,因爲有辰光波浪是在離岸較遠處就已破碎脫哉。另外海嘯來襲辰光波浪若進入淺水海灣或河流出海口,也可能看到類似階梯狀波浪个湧潮(bore)出現。昰些儕會造成海岸邊个海水高度升高。若震央較近海岸辰光,甚至有儂觀測到升高相當於十層樓介高个。

強度或大小个等級[编辑]

搭地震一樣,有過多趟嘗試建立衡量海嘯強度或大小个等級,使得弗同事件之間可以比較。[1]

強度等級[编辑]

頂早畀日常用來衡量海嘯強度等級方案是用於地中海西伯格-安布拉塞斯等級(Sieberg-Ambraseys scale)[2]搭用於太平洋个“今村-飯田強度分級(Imamura-Iida intensity scale)”[3]。索洛維耶夫又修改爻今村-飯田分級,根據如下公式計算海嘯強度I級:

昰𡍲是沿牢仔最近个海岸个平均海浪高度。昰個分級方案也畀稱爲“索洛維耶夫-今村海嘯強度等級(Soloviev-Imamura tsunami intensity scale)”,並用垃NGDC/NOAA所編撰个全球海嘯目錄當中。[4]新西伯利亞海嘯實驗室(Novosibirsk Tsunami Laboratory)也使用昰個分級作爲海嘯大小个主要參數。

大小等級[编辑]

第一個真正計算出給定地點个海嘯大小而弗是強度个等級方案是由穆蒂伉盧米斯(Murty & Loomis)提出个ML分級(ML scale)。昰個分級是基於潛在能量个。[1]但因爲計算海嘯个潛在能量邪氣困難,所以該分級老少畀使用。阿部引入爻“海嘯大小等級”,其計算公式爲:

昰𡍲个 h咾是最大海嘯波幅(單位:米,m),由距離震中距離爲R个驗潮儀測得;abD是用垃使the Mt等級盡可能匹配矩震級(moment magnitude scale)个常數。[5]

海嘯警報系統[编辑]

海嘯个危險性符號
主条目:海嘯警報系統

WCATWC[编辑]

美國西海岸·阿拉斯加海嘯警報中心(WCATWC;暫譯)裏向,擔美國及其周邊地區依照海岸地形咾啥个要素劃分成功11個區域。各區域分別有2種(或1種乃至嘸沒)TIS(Tsunami Information Statement,海嘯情報)、3種(或1種)Warning(警報),共1~5級警報。

警報·注意報(日本)[编辑]

日本氣象廳擔24小時監視造成海嘯个地震活動,並於地震發生後頂快垃2分鐘內發佈海嘯預報·警報(海嘯預報海嘯注意報海嘯警報大海嘯警報)。即使是震源較遠但規模較大个地震或震度較小个地震也可能會發佈海嘯警報。爲仔縮減發佈警報所需要个辰光,也進行爻擔地震計更換爲性能更高个儀器或者裝設管道式海底地震計个工作。

原本發佈海嘯警報需要3分鐘左右个辰光,由於2006年10月開始,對日本近海个地震啟用緊急地震速報系統,乃末發佈警報需要个辰光得以縮減,最快可垃2分種內發佈海嘯警報(像2007年3月个能登半島地震咾啥)。

此外,發表海嘯警報个辰光,基於電視臺个判斷會得放出緊急警報廣播

根據震源个位置、震級、斷層資料,可計算預測海嘯个發生及規模。由於地震發生後再進行計算常莊是來弗及个,氣象廳準備了各種預想資料庫以應對。

氣象廳根據預測个波浪高度,擔海嘯警報區分爲以下2類3種發表。此外,由於報導“大海嘯海嘯警報”比較拗口,簡稱爲“大海嘯警報”。

海嘯警報 大海嘯 最高達到3m以上个海嘯(發表个警報中區別爲5m、10m、10m以上該3種)
海嘯 最高爲3m个海嘯(發表个警報區別爲3m該1種)
海嘯注意報 海嘯注意報 最高爲1m个海嘯(發表个警報爲1m該1種)[6]

弗罷第1波最大个波浪,由於以幾十分鐘~1小時个間隔仍會襲來第2波、第3波,渠場擔可能在海灣內共鳴造成更大个海浪,而導致海水侵入陸地。噶咾,直到海嘯警報·注意報解除脫,儕有警戒·注意个必要。巨大地震導致个海嘯,也可能持續幾十個鐘頭(2011年日本東北地方太平洋近海地震中,自產生至完全解除經過了51小時)。

海嘯警報·注意報是擔日本沿岸地區分割爲弗同區塊(稱爲海嘯預報區),指定地區進行發表。

發佈海嘯警報、注意報个辰光,擔會發佈包括抵達岸邊个時刻、預測个海浪高度、各地滿潮時刻、到達辰光所觀測到个波高咾啥个“海嘯信息”。

海嘯對臺灣影響[编辑]

雖然臺灣亦處環太平洋火山帶,不過搭日本弗同,臺灣蠻少有海嘯侵襲。主要原因是海嘯多來自太平洋个海底地震,會從臺灣東部靠近,而在臺灣東部个海底,菲律賓海板塊歐亞板塊交界處,海底地形邪氣陡峭,容易使波浪受到折射而遠離,弗利讓海嘯成形[7]。2011年日本東北大地震(海底地震)臺灣僅觀測到10公分潮差,而1960年智利大地震所引發个海嘯對於臺灣也嘸沒造成重大災害。

一般認爲臺灣最可能發生海嘯个地方是基隆宜蘭一帶沿海,在過去就曾有發生之實例。1867年12月18日,雞籠(今基隆)附近發生有感地震,震央約在雞籠嶼(今基隆嶼)東方500公尺左右个海底,造成雞籠港(今基隆港)港內个海水急速往外海退去,挨下來海嘯撲向瑞芳萬里、金包里(今金山)一帶沿海發生災情,史稱「雞籠海嘯[8]

雖然南海發生大規模地震機率邪氣低,萬一南海一帶个地方出現大地震,勢必會對臺灣西南沿海、東亞大陸東南沿海、中南半島菲律賓咾啥場許造成海嘯威脅。不過嚜,臺灣仍有學者提出馬尼拉海溝恐有潛在危機[9]

紀錄[编辑]

全球个海嘯發生區大致交地震帶一致。全球有記載个破壞性海嘯大約有260趟橫裏,平均大約6、7年發生一趟。發生在環太平洋地區个地震海嘯就佔了約80%。而日本列島及附近海域个地震又佔太平洋地震海嘯个60%橫裏,日本是全球發生地震海嘯且受害頂深个國家。

近年來較大規模个海嘯有:

嘯源位置 日期 浪高
公尺
受害地區 死亡人數 備註
加拿大溫哥華島 1700年1月26日  ? 北加州至溫哥華島、日本  ? 參見1700年卡斯凱迪亞地震
葡萄牙 1755年11月1日 50 歐洲西部、摩洛哥西印度羣島 80,000 葡萄牙帝國个沒落
參見1755年里斯本大地震
琉球羣島 1771年4月24日 85 琉球羣島 11,941 石垣島一半个人口罹難
參見八重山地震
巽他海峽 1883年8月26日 20 爪哇蘇門答臘 36,000 參見喀拉喀托火山
日本三陸 1896年 24 日本東北 27,122 參見明治三陸地震
阿留申羣島 1946年4月1日 32 阿留申羣島、夏威夷加州 165
智利 1960年5月22日 25 智利、夏威夷搭日本 1,260 參見智利大地震
阿拉斯加 1964年3月27日 32 阿拉斯加、阿留申羣島搭加州 參見耶穌受難日地震
西里伯斯海 1976年8月16日 30 菲律賓羣島 5,000
蘇門答臘西北外海 2004年12月26日 30 印度洋 300,000+ 參見2004年印度洋大地震
智利 2010年2月27日 25 智利 參見2010年智利大地震
日本宮城縣外海 2011年3月11日 40.5[10] 日本北海道青森岩手宮城福島茨城 10,000+ 參見2011年日本東北地方太平洋沿岸地震

參考文獻[编辑]

外部連結[编辑]

Commons-logo.svg
维基共享资源里向寻得着搭该篇文章搭界个多媒体资源:

別樣[编辑]