济州航空2216号班机空难

济州航空2216号班机空难（韩语：제주항공 2216편 추락 사고／濟州航空2216便墜落事故）指个是2024年12月29号，一班济州航空运营个、从泰国曼谷素万那普机场飞去韩国全罗南道务安国际机场个国际客运航班发生个航空事故。伊个辰光，箇班航班由一架波音737-800型客机执飞，降落前赛过是碰着鸟击哉，复飞两趟，阿末因为弗明原因机腹着陆，飞机冲出跑道，撞上机场外围个仪表着陆系统（ILS）个天线帮护栏以后爆炸起火，导致飞机浪181人当中179人死脱，只有2名机组成员活下来哉^[1]。箇桩空难是韩国本土顶惨重个空难、是涉及波音737新世代系列飞机顶惨重个空难、也是2020年代到2024年年底顶惨重个空难，也是济州航空成立19年以来头一桩死人个空难^[2]。