泰坦

吴语维基百科,自由个百科全书
跳到导航 跳到搜索

泰坦英语Titan,实验室代号「OCLF-3」)是一台由克雷公司承建个超级计算机,摆勒美国能源部下头所属个橡树岭国家实验室里,供各项科学研究项目使用。泰坦是从原来也摆勒橡树岭国家实验室个美洲虎英文Jaguar‎)经过多次升级改装而变成。泰坦也是世界上第一台以通用图形处理器GPGPU)作为主要数据处理单元个超级计算机,勒2012年11月到2013年6月个段辰光,其是世界上顶快个超级计算机。勒2011年10月开始,美洲虎被宣布要进行大幅升级,到2012年10月,升级作业基本完工后这台超级计算机被改名叫泰坦,接下来开始进行稳定性和效能测试,到2013年中期再拿给供科学研究者们使用。[1][2]升级个预算一开始时是6千万美元,其中绝大部分由美国能源部提供。而后来根据克雷公司发布个公开信息,整台泰坦超级计算机最终用脱个开销是9千7百万美元[1]为了填补资金缺口,美国国家海洋和大气管理局也出了一小部分资金来参与个只项目,得到个回报是从主要出资方美国能源部获得一定个使用权。[3]

泰坦使用由超威半导体提供个皓龙Opteron)处理器连结辉达提供个Tesla运算用图形处理器来进行协同运算,个能加来提供比美洲虎更加高个运算效能但同时保持能源利用效率。整台泰坦一共有18,688只中央处理器特之相同数量个图形处理器,理论峰值个计算效能是27petaFLOPS(每秒27×1015次浮点运算),但实际上,勒2012年11月个LINPACK基准效能测试中只达到17.59petaFLOPS个成绩(每秒17.59×1015次浮点运算)[4],但已经是全世界顶快个计算机了,一直到2013年6月其勒Top500位列第一个个排名被中国天河二号取代。尽管如此,无论从计算效能上或者能效比上来讲,仍然要比同时期个其它超级计算机好了勿是一眼眼。

泰坦可用于任何目的个数据处理。但勒数据处理任务个优先安排上,需要从三个方面来考虑:任务计划个重要度、任务计划对异构运算个利用潜力以及任务计划个运算程序源码对其它超级计算机个兼容性。经过对提出申请个项目进行筛选排程后,选中了六只运算计划,这六个「前锋」计划在泰坦开放使用后由泰坦依排程执行处理,这些处理任务大多数是关于奈米科技气候模型。不过其它没被选为首先处理个任务计划,仍会进行优先级排程,进入等空档个排队贮列,以待泰坦个运行处理。由于以图形处理器来处理数据,根据图形处理器拥有比中央处理器多得多个线程个理由,不少程序需要进行源码变动处理以适应新个混合架构,这些处理常常需要有更高阶层个运算平行度,而这些变更甚至可以勒以中央处理器为主个超级计算机上也获得效能个提升。

参考来源[编辑]

  1. 1.0 1.1 Poeter, Damon (2011-10-11). Cray's Titan Supercomputer for ORNL Could Be World's Fastest. PC Magazine. 访问日脚2012-10-29.
  2. Tibken, Shara (2012-10-29). Titan supercomputer debuts for open scientific research. CNET. 访问日脚2012-10-29.
  3. Munger, Frank (2012-10-29). Titan's ready to roll; ORNL supercomputer may become world's No. 1. Knox News. 原始文档勒2013-03-26存档. 访问日脚2012-10-29.
  4. 推土机+开普勒超级计算机成功拿下世界第一 - 驱动之家,2012年11月13日