波斯尼亚战争

吴语维基百科,自由个百科全书
跳到导航 跳到搜索

波斯尼亞戰爭是1992年至1995年垃前南斯拉夫波斯尼亚搭黑塞哥维那國發生個戰爭。起因是波斯尼亞地方政府垃克羅地亞斯洛文尼亞從南斯拉夫獨立後垃1992年2月公投獨立,但是居垃波斯尼亞個交關塞爾維亞人克羅地亞人害怕穆斯林波斯尼亞克人政府個欺壓,組建武裝搭政府意圖脫離搭佔領自家個民族人口多個土地。塞爾維亞人個武裝畀南斯拉夫聯邦軍隊支持。參戰三方侪實行弗少種族清洗,畀其他民族趕出佔領區,好控制迭些區域,搭國際上看起來是保衛自家人口多個地域。另外其他戰爭罪行如大屠殺搭強姦也弗少,由於宗教也是三個民族自我認同一大部分葛老對教堂清真寺個破壞也老多。1994年,克族搭波族垃美國驅使下議和,組建「波斯尼亞搭黑塞哥維那聯邦」,兩族聯手搭克羅地亞獨立戰爭克族軍隊個順利進展畀賽族軍隊處於被動。1995年賽族失脫交關領土後議和,波黑國以聯邦形式組建。