江宁区（上海市）

江宁区是上海市一個已经畀撤销脱箇区。

成立

民国34年（1945年）12月，国民政府按照原上海市警区建立32個行政区，第十二区是江宁区，名字是因为江宁路。区公所勒拉陕西北路835弄50号。民国36年（1947年）2月，取消脱区个编号，叫江宁区。

范围

江宁区范围拿原来公共租界戈登路巡捕房做基础，东面泰兴路连牢仔新成区，西面从延平路扩宽到长宁路、江苏路贴牢仔长宁区，南面新闸路接牢仔静安区，北面安远路过去就是普陀区。面积有3.19平方公里。

沿革

民国38年（1949年）5月30日，中国人民解放军上海市军事管制委员会派接管专员多普照接管江宁区公所。同年6月3日，建立江宁区接管委员会。1950年6月28日，根据上海市军事管制委员会搭仔上海市人民政府决定撤销江宁区接管委员会，成立江宁区人民政府。1955年7月，江宁区人民政府更名为江宁区人民委员会。

行政区划

江宁区恰恰定落来个辰光，附有38保，975甲。民国38年（1949年）废脱保甲，改成功6個接管专员办事处。1950年12月，6個接管专员办事处改为6個冬防办事处。1951年6月，冬防办事处改名，改成功区人民政府派出人员办事处。1952年9月，江宁区6個区人民政府派出人员办事处调整成功12个区人民政府办事处。

1955年7月，江宁区第一到第十二人民政府办事处依次改名改成功泰兴路、昌平路、江宁路、陕西北路、西康路、延平路、安远路、金司徒庙、余姚路、康定路、长寿路搭南曹家宅办事处。1956年，撤销脱延平路、长寿路2个办事处，调整成功10個办事处。1957年7月，撤销脱泰兴路办事处，安远路办事处改名改成功长寿路办事处，南曹家宅办事处改名改成功梵皇渡路办事处，调整成功9个办事处。1958年11月，拿9个办事处调整成江宁路、康定路、梵皇渡路搭余姚路4个办事处，直到江宁区撤销。

撤销

1960年1月，撤销脱江宁区，原来个区域侪变成功静安区个一部分。