橋玄

桥玄（109年—183年），字公祖，梁国睢阳（现在河南商丘南）人。桥玄嗰七世祖是人称“桥君学”嗰桥仁，勒拉汉成帝时嗰辰光曾经担任大鴻臚，著有礼记章句四十九篇。祖父桥基曾经担任广陵太守，父亲桥肃曾经担任东莱太守。东郡太守橋瑁是伊嗰族子。

生平

桥玄年輕嗰辰光曾经担任县功曹（縣人事官）。根据《后汉书》嗰 记载，当时豫州刺史周景到梁国去视察，桥玄跪了地浪向周景陈述了当时陈国相（封國嗰 首長，级别相当于郡嗰太守）羊昌嗰罪恶。周景觉着他老有壮志，同意并且任命他来办理箇桩案子。桥玄上任以后立即收押羊昌嗰门客，彻查羊昌嗰罪行。当时羊昌深受大将军梁冀嗰包庇，梁冀发檄文畀周景让伊收回对桥玄嗰任命，但是桥玄收到檄文仔以后直接退了回去，最后羊昌被押解进京。从此桥玄就出了名。

后手来桥玄举孝廉，担任了洛阳左尉。经过四趟升迁做到了齊國相，又因犯错误受罚。曾经擔任上谷太守搭汉阳太守。桓帝末年桥玄被推举为度辽将军，平定了胡虏及伯固等边境之乱。灵帝初年又召回伊先后担任河南尹、少府、大鸿胪等职务。建宁三年（170年）升为司空，後手来改任司徒。第二年担任尚书令。光和元年（178年），升迁为太尉，几个号头以后托病辞官。

曹操刚刚出道嗰辰光曾经拜会桥玄，当时曹操还没出名，但是桥玄对他的评价颇高，称「天下将乱」，而曹操是能够安定天下嗰「命世之才」。又将他引荐给許劭。后手来曹操勒拉途经桥玄墓嗰辰光亲自为伊撰文缅怀。

家族

• 儿子桥羽，官至任城相
• 少子桥某，在洛阳被绑匪所杀，享年十岁
• 族子桥瑁