樱桃河

樱桃河

樱桃河，勒拉上海市闵行区吴泾镇南面个一条河浜。伊北起俞塘，南到黄浦江，流经华东师范大学闵行校区，当中同塘泗汀、蒋家湾、新蒋家湾、乐道河、金英河等河浜交汇。伊长5.36公里，河面阔14米，底阔1米，水深1米多，好通航15吨以下个船。

历史

伊本名邢窦湖，箇是因为宋元个辰光，姓邢个、姓窦个两家人家住拉湖边浪。南宋个辰光，湖个面积约2平方公里。到元朝末年，湖两面个土邪气肥，水还就拉边浪方便浇水，湖边壗人弗少。

16世纪初，黄浦江水系变迁，湖慢慢交堵成一条狭长个河浜。明宣德年个辰光，勒拉河中段造仔座石拱桥，叫尚义桥。明清个辰光，箇条河叫莺窦湖、莺脰湖，民国个辰光变成功樱桃汇，现在叫伊樱桃河。