極晝

来自维基百科
蹦到: 导航搜寻
挪威個極晝

極晝,也叫白夜永晝或者午夜太陽,是勒地球個兩極地區,一日天裏向,太陽儕勒地平線浪向個現象(整日天24鐘頭儕是日裏向)。

規律[编辑]

太陽直射點勒囖個半球,箇個半球個極地附近就會出現極晝現象。

極晝個範圍發太陽直射點緯度搭界,極點搭俚個邊界交差個緯度就是太陽直射點個緯度。

春分過後,北極附近就會出現極晝,後頭極晝範圍越來越大;到夏至達到頂大,邊界碰著北極圈;過脫夏至,北極附近極晝範圍逐漸縮小,到秋分缩到0;秋分過後,南極附近出現極晝,後頭南極附近個極晝範圍越來越大;到冬至達到頂大,邊界碰著南極圈;過脫冬至,南極附近極晝範圍逐漸縮小,春分辰光缩到0。必過因為太陽折射,夏天辰光極晝個範圍作興會超過北極圈或者南極圈。

該浪弗斷重複,周期是一個回歸年

參考[编辑]

Commons-logo.svg
维基共享资源里向寻得着搭该篇文章搭界个多媒体资源: