回歸年

来自维基百科
跳到导航 跳到搜索

回歸年tropical year‎),也叫太陽年solar year‎),是勒地球浪觀察,太陽平黃經變化360°,就是太陽亦回轉黃道(勒天球浪太陽走個軌道)浪一樣個場化用個辰光。相對於分點至點,精確個辰光取決於你勒黃道浪揀個場化:從北半球個春分點,四隻基礎點之一,開始個叫春分點年;對勒黃道浪所有個場化取平均值個年叫平回歸年歲實是中國用個回歸年,是從冬至再回轉冬至用個辰光。

勒地球浪,人類注意著回歸個進展,從太陽慢慢較從南朝北搭再回轉來個運動,希臘人從有「轉動」意思個tropos引申出「tropical」該個字,意思就是「回歸」。太陽跑到頂北面搭頂南面個回歸分別由北回歸線南回歸線標示,也是還好看見「日正當中」個緯度。太陽位置好由每日天正午辰光指時針(一根垂直個柱或者棍:)影子個長短來測量,該個是測量每年長度頂自然個方法:用日照來確認季節。

因為春分點受著進動個影響勒黃道浪倒退,回歸年比恆星年短一眼眼,勒2000年交差20.409分鐘,勒1900年交差20.400分鐘。

回歸年是制定各种陽曆(包括現在個公曆)搭陰陽曆個基礎,中國傳統曆法裏向拿冬至點測量個一回歸年叫一「歲」。

1回歸年 = 365.2421990741 = 365天5小时48分46秒

回歸年,地球繞太陽公轉<360°。因為回歸年比恒星年短20分24秒,經過計算,地球勒20分24秒個辰光裏向,繞太陽少公轉差弗多50.260角秒,所以回歸年地球繞太陽公轉個角度是360°-50.260角秒=359度59分9角秒740毫角秒。

回歸年比恒星年短20分24秒,所以勒25786年(365.2421990741*1440/20.4)個辰光裏向倒退一圈,該個就是歲差周期。