标准状态

标准状态（英语：standard state），简称标状态，是一种为咾方便计算体系性质个参考态。经常看到个体系有：纯物质、混合物或者溶液。虽然IUPAC推荐一套通用个标准状态，但原则上标准状态好随便选个。

化学里向，经常定义假想个理想溶液浓度是1M(mol/L)个辰光是标准状态。勒拉生物化学里向则经常用pH等于7,也就是10^-7 mol/l H⁺离子浓度个辰光是标准状态。

IUPAC推荐指定标准压力 p^o =10⁵ Pa。

严格来讲，标准状态并呒没指定温度。比方讲，气体个标准状态是：单位压力下（通常是1巴）个理想气体，而並呒没指定具体个温度。但是，现实当中大多数热力学数据集侪是勒拉特定温度下头测得个。通常是室温298.15 K（25.00 °C；77.00 °F），有个辰光也用273.15 K（0.00 °C；32.00 °F）。