化學

化學，字面解釋就是變化個科學，是老底子西方鍊金術個一隻分支。現在人講個化學是指由原子層面研究物質個學術。研究化學個人叫化學家，就朝對該隻方向去解構各種物質個結構、特性搭仔變化，物質之間個關係，還有兩種物質相互影響發生改變個辰光能量個變化。

化學主要研究原子搭原子個組合，譬方分子、結晶體搭金屬，該點儕是日常生活一經看見個物事。現代化學指出，一種物質個特性取決於俚勒原子層面浪個結構。化學搭物理是現代自然科學裏向兩門算得上是頂重要個學科。