查理一世(英格兰)

出自维基百科,自由个百科全书
(从查理一世 (英格兰)转戳到箇里)
King Charles I after original by van Dyck.jpg
King Charles I after original by van Dyck

查理一世(1600年11月19号-1649年1月30号),是17世纪统治英格兰王国苏格兰王国爱尔兰王国个君主。1625年3月27号接替爷詹姆斯六世搭一世继位,一直统治到1649年伊畀共和叛军处决为止。

查理一世是詹姆斯六世搭一世个二儿子。1603年跟牢爷搬到伦敦。1623年,伊搭伊拉爷个男宠白金汉公爵一淘到西班牙求婚失败,之后转向枪类反西班牙个策略。1625年,伊搭法国波旁家族何丽婷娜公主结婚。个能,也建立起搭法国越加亲密个关系。

查理一世在拉继位之后,弗多几时就开始搭英格兰国会别苗头。伊自称君权神授,要求英格兰效仿欧洲别他君主国,建立常备军并允许国王公开征税。弗过,国会弗批准迭个建议,加上国会当中个清教徒对伊个天主教信仰邪气反感,乃么是互相越加看弗入眼。个能,查理一世就立在1630年代解散议会,执行长期乾纲独断,独裁统治。

弗过,到1630年代末,查理一世看见西班牙形势弗妙么极煞哉,想趁机到欧洲大陆去参战咾获得利益。为仔个军费问题,只好重新召开国会。弗曾想,迭个国会结果会得变成功反对伊自家个大本营。1640年代初,查理一世捉捕国会议员未果,就跑出伦敦,到英格兰北面公开招募军队勤王,对国会军队开战。

英国内战结束之后,查理一世畀捉牢,关押。当中越狱失败,乃么军队对伊邪气厌恶。1648年年底判处死刑,1649年1月遭到斩首。直到1660年,通过斯图亚特王朝复辟,伊再得着仔体面安葬。伊也是英国历史浪唯一一位畀国会杀脱个国王。