查理一世(英格兰)

来自维基百科
蹦到: 导航搜寻
King Charles I after original by van Dyck.jpg
King Charles I after original by van Dyck

查理一世(1600年11月19号-1649年1月30号),是17世纪统治英格兰王国苏格兰王国爱尔兰王国个君主。1625年3月27号接替自家个爸爸詹姆斯一世继位,一直统治到1649年伊畀共和叛军处决为止。

查理一世是詹姆斯一世个二儿子。1603年跟随自家爸爸搬到伦敦。1623年,伊搭自家爸爸个男宠白金汉公爵一道去西班牙求婚失败,之后转向枪类反西班牙个策略。1625年,伊搭法国波旁家族何丽婷娜公主结婚。个能,也让自家搭法国建立更加亲密个关系。

查理一世立在继位之后,老快就搭英格兰国会别苗头。伊自称君权神授,要求英格兰效仿欧洲其他君主国,建立常备军并允许国王公开征税。弗过,国会弗批准迭个建议,加上国会当中个清教徒对伊个天主教信仰老反感,让相互更加看弗爽。个能,查理一世就立在1630年代解散议会,执行长期乾纲独断,独裁统治。

弗过,到1630年代末,看到西班牙形式弗妙个查理一世,老想趁机去欧洲大陆参战获得利益。为军费问题,只好重新召开国会。朆想,迭个国会老快成为反对伊自家个大本营。1640年代初,查理一世抓捕国会议员未果,就跑出伦敦,到英格兰北面公开招募军队勤王,对国会军队开战。

英国内战结束之后,查理一世畀捉牢,关押。当中越狱失败,导致军队对伊个厌恶。1648年年底判处死刑,1649年1月遭到斩首。直到1660年,通过斯图亚特王朝复辟,才让伊得到体面安葬。伊也是英国历史浪唯一一个畀国会杀脱个国王。